Handbolti

Einn nýliði í landsliðshópnum

Ingvi Þór Sæmundsson skrifar
Katla María Magnúsdóttir er eini nýliðinn í íslenska landsliðshópnum.
Katla María Magnúsdóttir er eini nýliðinn í íslenska landsliðshópnum. vísir/diego

Arnar Pétursson, þjálfari íslenska kvennalandsliðsins í handbolta, hefur tilkynnt hópinn fyrir fyrstu leikina í undankeppni EM 2024.

Ísland mætir Lúxemborg á Ásvöllum 11. október og Færeyjum ytra fjórum dögum seinna. Að þessu sinni er 21 leikmaður í landsliðshópnum.

Einn nýliði er í honum, Katla María Magnúsdóttir sem leikur með Selfossi sem er í Grill 66 deildinni.

Auk Íslands, Lúxemborg og Færeyja er Svíþjóð í riðli 7 í undankeppninni. Tvö efstu liðin komast á EM sem og þau fjögur lið sem eru með bestan árangur í 3. sæti riðlanna átta í undankeppninni.

Um tveir mánuðir eru þar til Íslendingar hefja leik á HM. Ísland er í riðli með Frakklandi, Slóveníu og Angóla.

Íslenski hópurinn

Markverðir

  • Elín Jóna Þorsteinsdóttir, EH Aalborg (43/1)
  • Hafdís Renötudóttir, Valur (44/2)
  • Sara Sif Helgadóttir, Valur (7/0)

Aðrir leikmenn

  • Andrea Jacobsen, Silkeborg-Voel (39/58)
  • Berglind Þorsteinsdóttir, Fram (10/5)
  • Birna Berg Haraldsdóttir, ÍBV (63/126)
  • Díana Dögg Magnúsdóttir, BSV Sachsen Zwickau (38/43)
  • Elín Klara Þorkelsdóttir, Haukar (6/5)
  • Elín Rósa Magnúsdóttir, Valur (3/10)
  • Elísa Elíasdóttir, ÍBV (4/0)
  • Hildigunnur Einarsdóttir, Valur (94/103)
  • Jóhanna Margrét Sigurðardóttir, Skara HF (5/7)
  • Katla María Magnúsdóttir, Selfoss (0/0)
  • Katrín Tinna Jensdóttir, Skara HF (10/2)
  • Lilja Ágústsdóttir, Valur (8/2)
  • Perla Ruth Albertsdóttir, Selfoss (32/49)
  • Sandra Erlingsdóttir, TuS Metzingen (20/82)
  • Sunna Jónsdóttir, ÍBV (75/56)
  • Thea Imani Sturludóttir, Valur (62/114)
  • Þórey Anna Ásgeirsdóttir, Valur (32/21)
  • Þórey Rósa Stefánsdóttir, Fram (121/352)
Landslið kvenna í handbolta

Mest lesið


Fleiri fréttir

Sjá meira


×

Mest lesið