Fótbolti

Börsungar á­fram á sigur­braut

Siggeir Ævarsson skrifar
Xavi Hernandez hefur fulla ástæðu til að brosa þessa dagana
Xavi Hernandez hefur fulla ástæðu til að brosa þessa dagana Vísir/Getty

Barcelona er enn án taps í spænsku deildinni eftir 1-0 sigur gegn Athletic Club í kvöld. Mörkin létu á sér standa en það kom ekki að sök þegar upp var staðið.

Barcelona hefur farið frábærlega af stað í spænsku deildinni og hefur ekki enn tapað leik í fyrstu tíu leikjum liðsins. Liðið hefur gert þrjú jafntefli og skaust með sigrinum í kvöld upp í þriðja sæti með 24 stig, stigi á eftir Real Madrid og Girona.

Barcelona höfðu töluverða yfirburði í leiknum í kvöld en gekk seint og illa að klára færin sín enda þeirra helsti markaskori, Robert Lewandowski, frá vegna meiðsla. Á 80. mínútu náði Marc Guiu loks að brjóta ísinn og urðu það lokatölur leiksins.

Fótbolti Spænski boltinn

Mest lesið


Fleiri fréttir

Sjá meira


×

Mest lesið