Handbolti

Ágúst Elí og Elvar sáu um topp­lið Ála­borgar

Runólfur Trausti Þórhallsson skrifar
Ágúst Elí Björgvinsson átti mjög góðan leik gegn toppliðinu.
Ágúst Elí Björgvinsson átti mjög góðan leik gegn toppliðinu. Ribe-Esbjerg

Íslendingalið Ribe-Esbjerg lagði stórlið Álaborgar í dönsku úrvalsdeildinni í handbolta með eins marks mun. Ágúst Elí Björgvinsson og Elvar Ásgeirsson áttu stóran þátt í sigrinum.

Ribe-Esbjerg gerði sér lítið fyrir og vann með minnsta mögulega mun, lokatölur 34-33. Ágúst Elí varði 12 skot í markinu og var með 32 prósent hlutfallsmarkvörslu. Þá skoraði Elvar tvö mörk og spiluðu Íslendingarnir því stóran þátt í sigri dagsins.

Ribe-Esbjerg er í 3. sæti deildarinnar með 20 stig.

Lærisveinar Guðmundar Guðmundssonar í Fredericia unnu fjögurra marka útisigur á Skjern, lokatölur 26-30. Einar Þorsteinn Ólafsson komst ekki á blað hjá Fredericia.

Fredericia er í 2. sæti með 25 stig, fjórum minna en topplið Álaborgar.

Handbolti Danski handboltinn

Mest lesið


Fleiri fréttir

Sjá meira


×

Mest lesið