Frank Booker með míkra­fón í miðjum leik: „Þetta er tær snilld“

„Alls ekki fara að pissa eða neitt svoleiðis núna því þetta er tær snilld,“ sagði Stefán Árni Pálsson, stjórnandi Körfuboltakvölds, þegar hann kynnti inn innslagið.

Óhætt er að segja að Stefán hafi engu logið því Frank fer á kostum með míkrafóninn. Hann byrjar á því að athuga hvort heyrist ekki örugglega hátt og skýrt í honum áður en hann tilkynnir þeim sem hlusta að hann ætli að rappa fyrir mannskapinn.

Frank hrósar svo dómurum leiksins fyrir góða hárgreiðslu, þó ekkert hár sé til staðar, áður en leikurinn hefst. Það er svo óhætt að segja að Frank hafi mikla trú á hinum efnilega Ástþóri Svalasyni, en þetta skemmtilega innslag má sjá í spilaranum hér fyrir neðan.