Ósátt með að maðurinn væri að rækta fíkniefni með annarri konu Jón Þór Stefánsson skrifar 5. janúar 2024 11:31 Mestur hluti fíkniefnanna sem lögreglan haldlagði fundust í húsleit í Mosfellsbæ. Vísir/Vilhelm Par, karlmaður og kona, hafa hlotið fangelsisdóma í Héraðsdómi Reykjavíkur vegna fíkniefnalagabrota og peningaþvættis vegna nokkurra mála. Karlmaðurinn hlaut fimmtán mánaða fangelsisdóm, en þar af eru fjórtán mánuðir skilorðsbundnir til tveggja ára. Konan hlaut fimm mánaða dóm, einnig skilorðsbundin til tveggja ára. Dómurinn ákvað að gera peningatalningavél mannsins upptæka, sem og aðra muni sem hafa líklega verið notuð við ræktun fíkniefna, sem og sjálf fíkniefnin. Maðurinn mótmælti því að peningatalningavélin yrði gerð upptæk. Kröfu ákæruvaldsins um upptöku á tveimur Louis Vuitton-töskum konunnar var hafnað. Upplýsingar í stílabók Í nóvember 2019 gerði lögreglan húsleit í Mosfellsbæ, en þar var lagt hald á sjötíu kannabisplöntur og rúmlega eitt og hálft kíló af kannabislaufum. Fram kemur að maðurinn sem málið varðar hafi verið handtekinn ásamt öðrum manni á vettvangi. Frekari leit lögreglu hafi síðan leitt í ljós að maðurinn væri með lykla að húsnæðinu, og þá fannst stílabók í bíl hans með upplýsingum um kannabisplöntur og kannabisræktun, sem og upplýsingar um peningalegar fjárhæðir. Einnig fannst talsvert reiðufé í bílnum. Dómurinn féll í Héraðsdómi Reykjavíkur.Vísir/Vilhelm Í skýrslutöku hjá lögreglu vildi maðurinn meina að hann hefði ætlað sér að búa til kannabisolíu úr afurðunum og ætlað að gefa hana til lækninga. Dómnum þótti þær skýringar mannsins ótrúverðugar og sakfelldi hann fyrir umrædd brot. Símanúmerið fundið eftir fíkniefnafund Í mars 2020 kom erlendur ríkisborgari til landsins. Á Keflavíkurflugvelli var hann stöðvaður af tollgæslunni sem fann tæplega tvö kíló af kókaíni og örfá grömm af metamfetamíni í farangri hans. Rannsókn málsins leiddi í ljós að í síma erlenda mannsins voru tvö íslensk símanúmer, en maðurinn sem málið varðar var rétthafi annars númersins. Hann var ákærður fyrir innflutning á efnunum, en Héraðsdómur komst að þeirri niðurstöðu að ekki væru næg haldbær gögn fyrir því að lögfull sönnun væri fyrir því að hann hefði staðið í innflutningnum. Afbrýðisemi vegna ræktunnar með annarri konu Lögregla fann rúmlega tvö hundruð grömm af maríjúana í húsleit á heimili mannsins og konunnar í Reykjavík í maí 2020. Bæði voru ákærð fyrir vörslu efnanna, en konan var sýknuð og maðurinn sakfelldur vegna þess. Í kjölfar sömu húsleitar hóf lögreglan rannsókn á símum parsins, sem og á einum síma til viðbótar, sem fannst í húsleitinni en þau sögðu annan mann eiga hann. Í símunum fundust gögn og myndefni sem bentu til kannabisræktunnar. Svo virðist sem konan hafi orðið afbrýðisöm út í manninn. Í símagögnunum kom fram að hún væri ósátt með að hann stæði í kannabisræktun með annarri manneskju, vinkonu hans. Mikill munur á bankareikningum og skattframtali Lögreglan rannsakaði einnig bankagögn parsins, en í ljós kom að mikill munur var á tekjum sem fóru inn á bankareikninga þeirra og uppgefnum árstekjum í skattframtölum. Bæði voru ákærð fyrir peningaþvætti. Maðurinn var fundinn sekur um peningaþvætti sem nam ágóða af fíkniefnasölu, og nam samtals rúmlega 47 milljónum króna. Konan var sakfelld fyrir að hafa, að minnsta kosti látið sér í léttu rúmi liggja, að taka við, nýta og umbreyta ávinningi fíkniefnasölu. Fjárhæð hennar brota vörðuðu rúmlega sjö milljónir króna. Líkt og áður segir hlaut maðurinn fimmtán mánaða fangelsisdóm, þar af fjórtán mánuði skilorðsbundna, og konan fimm mánaða skilorðsbundin dóm. Manninum var gert að greiða tæplega fjórar milljónir í sakarkostnað og konunni gert að greiða rúmlega tvær milljónir í sakarkostnað. Fíkniefnabrot Reykjavík Dómsmál Mosfellsbær Mest lesið Vill fá úr skorið hvort „annarlegar hvatir“ liggi að baki sniðgöngunni Innlent Lét öllum illum látum og fær engar bætur Innlent Náðar raunveruleikastjörnur sem sviku tugmilljónir dala út úr bönkum Erlent Frystir Facebook hópinn og rýfur tengsl við Sósíalistaflokkinn Innlent Stöðva vegabréfsáritanir námsmanna og rannsaka umsækjendur nánar Erlent Geimfar SpaceX splundraðist eftir 45 mínútna flug Erlent Málið alvarlegra en stjórnmálamenn gera sér grein fyrir Innlent Fólk flytur á landsbyggðina fyrir ódýrara húsnæði og rólegra umhverfi Innlent Sparnaðurinn bitni á fjölskyldum Innlent Telur að meðleigjandinn hafi kveikt í Innlent Fleiri fréttir Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Flugmaðurinn hafi verið mjög heppinn Lét öllum illum látum og fær engar bætur Börnin fagna litlu sigrunum með bjölluhringingu Telur að meðleigjandinn hafi kveikt í Kaup á kínverskum kísil „með ólíkindum“ og sérsveitaræfing Erfiðast að læra íslenskuna Afnema lengri opnunartíma í ákveðnum leikskólum borgarinnar Dúxinn í Kvennó úr óvæntri átt Utanríkisráðherra Bretlands á leið til Íslands Eldur kviknaði í hjólhýsi við íbúðarhús Fjórða hvert ungmenni talar sjaldnar en einu sinni í viku við foreldra sína Ungliðahreyfing Viðreisnar ályktar gegn ákvörðun ríkisstjórnarinnar Lýstu yfir óvissustigi vegna sömu flugvélar Hefur lagt tillögur á borðið en tjáir sig ekki um lögreglustjóra Höfum fullkomlega misst stjórn á útlendingamálum Áhyggjuefni hversu fáir treysta íslenskum fjölmiðlum Uppsagnir yfirvofandi á Húsavík Hnífi beitt í heimahúsi á Húsavík Sjá meira
Karlmaðurinn hlaut fimmtán mánaða fangelsisdóm, en þar af eru fjórtán mánuðir skilorðsbundnir til tveggja ára. Konan hlaut fimm mánaða dóm, einnig skilorðsbundin til tveggja ára. Dómurinn ákvað að gera peningatalningavél mannsins upptæka, sem og aðra muni sem hafa líklega verið notuð við ræktun fíkniefna, sem og sjálf fíkniefnin. Maðurinn mótmælti því að peningatalningavélin yrði gerð upptæk. Kröfu ákæruvaldsins um upptöku á tveimur Louis Vuitton-töskum konunnar var hafnað. Upplýsingar í stílabók Í nóvember 2019 gerði lögreglan húsleit í Mosfellsbæ, en þar var lagt hald á sjötíu kannabisplöntur og rúmlega eitt og hálft kíló af kannabislaufum. Fram kemur að maðurinn sem málið varðar hafi verið handtekinn ásamt öðrum manni á vettvangi. Frekari leit lögreglu hafi síðan leitt í ljós að maðurinn væri með lykla að húsnæðinu, og þá fannst stílabók í bíl hans með upplýsingum um kannabisplöntur og kannabisræktun, sem og upplýsingar um peningalegar fjárhæðir. Einnig fannst talsvert reiðufé í bílnum. Dómurinn féll í Héraðsdómi Reykjavíkur.Vísir/Vilhelm Í skýrslutöku hjá lögreglu vildi maðurinn meina að hann hefði ætlað sér að búa til kannabisolíu úr afurðunum og ætlað að gefa hana til lækninga. Dómnum þótti þær skýringar mannsins ótrúverðugar og sakfelldi hann fyrir umrædd brot. Símanúmerið fundið eftir fíkniefnafund Í mars 2020 kom erlendur ríkisborgari til landsins. Á Keflavíkurflugvelli var hann stöðvaður af tollgæslunni sem fann tæplega tvö kíló af kókaíni og örfá grömm af metamfetamíni í farangri hans. Rannsókn málsins leiddi í ljós að í síma erlenda mannsins voru tvö íslensk símanúmer, en maðurinn sem málið varðar var rétthafi annars númersins. Hann var ákærður fyrir innflutning á efnunum, en Héraðsdómur komst að þeirri niðurstöðu að ekki væru næg haldbær gögn fyrir því að lögfull sönnun væri fyrir því að hann hefði staðið í innflutningnum. Afbrýðisemi vegna ræktunnar með annarri konu Lögregla fann rúmlega tvö hundruð grömm af maríjúana í húsleit á heimili mannsins og konunnar í Reykjavík í maí 2020. Bæði voru ákærð fyrir vörslu efnanna, en konan var sýknuð og maðurinn sakfelldur vegna þess. Í kjölfar sömu húsleitar hóf lögreglan rannsókn á símum parsins, sem og á einum síma til viðbótar, sem fannst í húsleitinni en þau sögðu annan mann eiga hann. Í símunum fundust gögn og myndefni sem bentu til kannabisræktunnar. Svo virðist sem konan hafi orðið afbrýðisöm út í manninn. Í símagögnunum kom fram að hún væri ósátt með að hann stæði í kannabisræktun með annarri manneskju, vinkonu hans. Mikill munur á bankareikningum og skattframtali Lögreglan rannsakaði einnig bankagögn parsins, en í ljós kom að mikill munur var á tekjum sem fóru inn á bankareikninga þeirra og uppgefnum árstekjum í skattframtölum. Bæði voru ákærð fyrir peningaþvætti. Maðurinn var fundinn sekur um peningaþvætti sem nam ágóða af fíkniefnasölu, og nam samtals rúmlega 47 milljónum króna. Konan var sakfelld fyrir að hafa, að minnsta kosti látið sér í léttu rúmi liggja, að taka við, nýta og umbreyta ávinningi fíkniefnasölu. Fjárhæð hennar brota vörðuðu rúmlega sjö milljónir króna. Líkt og áður segir hlaut maðurinn fimmtán mánaða fangelsisdóm, þar af fjórtán mánuði skilorðsbundna, og konan fimm mánaða skilorðsbundin dóm. Manninum var gert að greiða tæplega fjórar milljónir í sakarkostnað og konunni gert að greiða rúmlega tvær milljónir í sakarkostnað.
Fíkniefnabrot Reykjavík Dómsmál Mosfellsbær Mest lesið Vill fá úr skorið hvort „annarlegar hvatir“ liggi að baki sniðgöngunni Innlent Lét öllum illum látum og fær engar bætur Innlent Náðar raunveruleikastjörnur sem sviku tugmilljónir dala út úr bönkum Erlent Frystir Facebook hópinn og rýfur tengsl við Sósíalistaflokkinn Innlent Stöðva vegabréfsáritanir námsmanna og rannsaka umsækjendur nánar Erlent Geimfar SpaceX splundraðist eftir 45 mínútna flug Erlent Málið alvarlegra en stjórnmálamenn gera sér grein fyrir Innlent Fólk flytur á landsbyggðina fyrir ódýrara húsnæði og rólegra umhverfi Innlent Sparnaðurinn bitni á fjölskyldum Innlent Telur að meðleigjandinn hafi kveikt í Innlent Fleiri fréttir Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Frystir Facebook hópinn og rýfur tengsl við Sósíalistaflokkinn Flugmaðurinn hafi verið mjög heppinn Lét öllum illum látum og fær engar bætur Börnin fagna litlu sigrunum með bjölluhringingu Telur að meðleigjandinn hafi kveikt í Kaup á kínverskum kísil „með ólíkindum“ og sérsveitaræfing Erfiðast að læra íslenskuna Afnema lengri opnunartíma í ákveðnum leikskólum borgarinnar Dúxinn í Kvennó úr óvæntri átt Utanríkisráðherra Bretlands á leið til Íslands Eldur kviknaði í hjólhýsi við íbúðarhús Fjórða hvert ungmenni talar sjaldnar en einu sinni í viku við foreldra sína Ungliðahreyfing Viðreisnar ályktar gegn ákvörðun ríkisstjórnarinnar Lýstu yfir óvissustigi vegna sömu flugvélar Hefur lagt tillögur á borðið en tjáir sig ekki um lögreglustjóra Höfum fullkomlega misst stjórn á útlendingamálum Áhyggjuefni hversu fáir treysta íslenskum fjölmiðlum Uppsagnir yfirvofandi á Húsavík Hnífi beitt í heimahúsi á Húsavík Sjá meira