Binda vonir við skólastarf og aðra þjónustu í Grindavík næsta haust Bjarki Sigurðsson og Sólrún Dögg Jósefsdóttir skrifa 13. janúar 2024 21:45 Víðir Reynisson sviðsstjóri Almannavarna ræddi brottflutninginn úr Grindavík í Kvöldfréttum Stöðvar 2. Vísir Sviðsstjóri Almannavarna segist binda vonir við að viðgerðir í Grindavík í sumar muni bera þann árangur að skólastarf og önnur þjónusta bæjarins verði með eðlilegu móti næsta haust. Dómsmálaráðherra segir umfangsmikla skoðun á öllum jarðvegi bæjarins með það að augnamiði að gera búsetu öruggari hefjast á næstunni. Ríkislögreglustjóri fyrirskipaði í dag brottflutning allra úr Grindavík á grundvelli nýs áhættumats á svæðinu. Ráðstöfunin tekur gildi á mánudag klukkan 19 og gildir í þrjár vikur. Þá verði staðan endurmetin. Reglurnar koma í kjölfar vinnuslyss sem varð á miðvikudag en fimmtugur maður er talinn hafa fallið ofan í sprungu við jarðvegsvinnu á svæðinu. Leit að manninum bar ekki árangur og var hætt í gær. „Það hefur verið vinna við að fylla upp í sprungur og við töldum að sú vinna væri öruggari heldur en raunin hefur verið. Bærinn er varasamur og er búinn að vera það og fólkið hefur verið varað við að vera á ferli þannig að við teljum ástandið í dag vera þannig í Grindavík að það er ekki hættulaust að vera þar,“ sagði Guðrún Hafsteinsdóttir dómsmálaráðherra í Kvöldfréttum Stöðvar 2. Nú er að hennar sögn umfangsmikil vinna að hefjast þar sem allur jarðvegur undir byggðinni í Grindavík verður skoðaður með það að augnamiði að gera búsetu öruggari til frambúðar. Dvöl í Grindavík óásættanleg áhætta Fréttamaður hitti Víði Reynisson sviðsstjóra hjá Almannavörnum í kvöldfréttum. Hann segir nokkur atriði hafa orðið þess valdur að ákvörðunin um brottflutninginn var tekin í dag. „Við erum búin að vera að fara yfir gögnin sem við höfum. Það kom nýtt hættumat Veðurstofunnar í gær þar sem líkindin á sprunguopnun í Grindavík hækkaði um einn flokk þar. Síðan varð þetta hörmulega slys á miðvikudaginn og sú sýn sem birtist er að þegar var skoðað í sprunguna og menn eru að sjá betur hvernig þetta lítur út neðanjarðar,“ segir Víðir. Hann segir ýmislegt hafa komið þeim hjá Almannavörnum í opna skjöldu undanfarið, til að mynda hafi sprungur opnast. „Þannig að hættumatið hækkaði í gær, við unnum áhættumat í kjölfarið og niðurstaðan úr því er að dvöl í Grindavík sé óásættanleg áhætta og þess vegna var þessi ákvörðun tekin í dag.“ Vinna að útvegun íbúða Víðir segir að þrívíddarskanni sem notaður var við leit á manninum muni örugglega hjálpa til við skilning og greiningu á hvernig sprungurnar á svæðinu líta út. „Það verður mjög fróðlegt að skoða þær myndir með sérfræðingum og það gæti alveg orðið hluti á þessu mati sem við erum að fara í núna þar sem við ætlum að skoða allar þær sprungur sem eru á yfirborði og leita að þeim sprungum sem eru ekki sjáanlegar á yfirborði, þá gæti einmitt svona tækni gagnast.“ Airbnb íbúðir og hótel eru að sögn Víðis meðal þeirra skammtímalausna sem Rauði Krossinn í samstarfi við yfirvöld vinna nú að því að útvega fyrir þá íbúa sem dvalið hafa í Grindavík síðustu daga. Dómsmálaráðherra sagði í erindi sínu á upplýsingafundinum í dag að verið væri að útvega fleiri íbúðum en áður til úthlutunar handa Grindvíkingum. Ef við hefðum þá vitneskju sem við höfum í dag, hefðirðu þá leyft að opna bæinn skömmu fyrir jól eins og var gert? „Ef og hefði eru þung orð þegar við erum í þessari vinnu. Við þurfum bara að meta stöðuna á hverjum einasta degi og það er alltaf stór hópur fólks sem er að velta fyrir sér öryggi þeirra sem þarna eru og það eru teknar ákvarðanir byggðar á bestu þekkingu á hverjum tíma og þannig verður það áfram.“ Gerið þið ráð fyrir að líf í Grindavík verði eðlilegt á ný á þessu ári? „Það er von okkar að í sumar eða haust verði viðgerðir og ráðstafanir til þess að tryggja öryggi orðið betri. Það hefur komið fram að skólastarf og önnur þjónusta bæjarins, að það er svona reiknað með því að næsta sumar verði byrjað að koma því þannig að það verði tilbúið næsta haust. Og það er von okkar að svo verði. Svo er auðvitað þessi vinna við varnargarðana, sem er hluti af því að auka öryggi á svæðinu.“ Grindavík Náttúruhamfarir Skóla - og menntamál Grunnskólar Eldgos á Reykjanesskaga Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent Ferðaþjónustuþorpið Vík: „Við erum ein á báti“ Innlent Í áfalli eftir að hafa fengið bréf frá árásarmanninum inn um lúguna Erlent Fleiri fréttir „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Sjá meira
Ríkislögreglustjóri fyrirskipaði í dag brottflutning allra úr Grindavík á grundvelli nýs áhættumats á svæðinu. Ráðstöfunin tekur gildi á mánudag klukkan 19 og gildir í þrjár vikur. Þá verði staðan endurmetin. Reglurnar koma í kjölfar vinnuslyss sem varð á miðvikudag en fimmtugur maður er talinn hafa fallið ofan í sprungu við jarðvegsvinnu á svæðinu. Leit að manninum bar ekki árangur og var hætt í gær. „Það hefur verið vinna við að fylla upp í sprungur og við töldum að sú vinna væri öruggari heldur en raunin hefur verið. Bærinn er varasamur og er búinn að vera það og fólkið hefur verið varað við að vera á ferli þannig að við teljum ástandið í dag vera þannig í Grindavík að það er ekki hættulaust að vera þar,“ sagði Guðrún Hafsteinsdóttir dómsmálaráðherra í Kvöldfréttum Stöðvar 2. Nú er að hennar sögn umfangsmikil vinna að hefjast þar sem allur jarðvegur undir byggðinni í Grindavík verður skoðaður með það að augnamiði að gera búsetu öruggari til frambúðar. Dvöl í Grindavík óásættanleg áhætta Fréttamaður hitti Víði Reynisson sviðsstjóra hjá Almannavörnum í kvöldfréttum. Hann segir nokkur atriði hafa orðið þess valdur að ákvörðunin um brottflutninginn var tekin í dag. „Við erum búin að vera að fara yfir gögnin sem við höfum. Það kom nýtt hættumat Veðurstofunnar í gær þar sem líkindin á sprunguopnun í Grindavík hækkaði um einn flokk þar. Síðan varð þetta hörmulega slys á miðvikudaginn og sú sýn sem birtist er að þegar var skoðað í sprunguna og menn eru að sjá betur hvernig þetta lítur út neðanjarðar,“ segir Víðir. Hann segir ýmislegt hafa komið þeim hjá Almannavörnum í opna skjöldu undanfarið, til að mynda hafi sprungur opnast. „Þannig að hættumatið hækkaði í gær, við unnum áhættumat í kjölfarið og niðurstaðan úr því er að dvöl í Grindavík sé óásættanleg áhætta og þess vegna var þessi ákvörðun tekin í dag.“ Vinna að útvegun íbúða Víðir segir að þrívíddarskanni sem notaður var við leit á manninum muni örugglega hjálpa til við skilning og greiningu á hvernig sprungurnar á svæðinu líta út. „Það verður mjög fróðlegt að skoða þær myndir með sérfræðingum og það gæti alveg orðið hluti á þessu mati sem við erum að fara í núna þar sem við ætlum að skoða allar þær sprungur sem eru á yfirborði og leita að þeim sprungum sem eru ekki sjáanlegar á yfirborði, þá gæti einmitt svona tækni gagnast.“ Airbnb íbúðir og hótel eru að sögn Víðis meðal þeirra skammtímalausna sem Rauði Krossinn í samstarfi við yfirvöld vinna nú að því að útvega fyrir þá íbúa sem dvalið hafa í Grindavík síðustu daga. Dómsmálaráðherra sagði í erindi sínu á upplýsingafundinum í dag að verið væri að útvega fleiri íbúðum en áður til úthlutunar handa Grindvíkingum. Ef við hefðum þá vitneskju sem við höfum í dag, hefðirðu þá leyft að opna bæinn skömmu fyrir jól eins og var gert? „Ef og hefði eru þung orð þegar við erum í þessari vinnu. Við þurfum bara að meta stöðuna á hverjum einasta degi og það er alltaf stór hópur fólks sem er að velta fyrir sér öryggi þeirra sem þarna eru og það eru teknar ákvarðanir byggðar á bestu þekkingu á hverjum tíma og þannig verður það áfram.“ Gerið þið ráð fyrir að líf í Grindavík verði eðlilegt á ný á þessu ári? „Það er von okkar að í sumar eða haust verði viðgerðir og ráðstafanir til þess að tryggja öryggi orðið betri. Það hefur komið fram að skólastarf og önnur þjónusta bæjarins, að það er svona reiknað með því að næsta sumar verði byrjað að koma því þannig að það verði tilbúið næsta haust. Og það er von okkar að svo verði. Svo er auðvitað þessi vinna við varnargarðana, sem er hluti af því að auka öryggi á svæðinu.“
Grindavík Náttúruhamfarir Skóla - og menntamál Grunnskólar Eldgos á Reykjanesskaga Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent Ferðaþjónustuþorpið Vík: „Við erum ein á báti“ Innlent Í áfalli eftir að hafa fengið bréf frá árásarmanninum inn um lúguna Erlent Fleiri fréttir „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Sjá meira