Þetta var stærsti ósigur Fílabeinsstrandarinnar á heimavelli frá upphafi og í fyrsta sinn síðan 1984 sem gestgjafafþjóð Afríkumótsins tapar tveimur leikjum í riðlakeppninni, Fílabeinsströndin vann opnunarleik mótsins 2-0 gegn Gínea-Bissá en svo lá 1-0 fyrir Nígeríu og 4-0 fyrir Miðbaugs-Gíneu.
🇨🇮 Ivory Coast manager Jean Louis Gasset has resigned.
— Owuraku Ampofo (@_owurakuampofo) January 24, 2024
The Elephants can still qualify for the round of 16 as one of the third-best teams.
In the scenario where they do qualify, Emerse Fae will step in as interim for the rest of the tournament. #AFCON2023 pic.twitter.com/rtf9pQbmOe
Fílabeinsströndin endaði því í 3. sæti riðilsins með 3 stig en Nígería og Miðbaugs-Gínea fóru beint áfram í 16-liða úrslit. Fílabeinsströndin á þó enn góðan möguleika á því að komast í 16-liða úrslit keppninnar.
Fjögur stigahæstu 3. sætis liðin halda nefnilega áfram, ásamt tveimur liðum úr öllum sex riðlunum. Þeir eru hólpnir svo lengi sem Sambía vinnur ekki eða gerir jafntefli gegn Marokkó síðar í kvöld, en þeir síðarnefndu þykja mun sigurstranglegri.
