Segir Ómar hafa hótað pari málsókn vegna viðtals Magnús Jochum Pálsson skrifar 18. mars 2024 11:25 Ómar Valdimarsson, til vinstri, birti persónuupplýsingar umbjóðenda sinna og tölvupóstsamskipti við þau. Einar Hugi Bjarnason, til hægri, hefur tekið að sér hagsmunagæslu fyrir hönd fólksins og segir þau íhuga að kæra Ómar fyrir birtinguna. Par segir Ómar Valdimarsson lögmann hafa hótað þeim málsókn eftir að þau sögðu hann hafa höfðað dómsmál fyrir þeirra hönd án vitneskju þeirra. Ómar birti tölvupóstsamskipti sín við parið á Facebook og sagði þau skorta lesskilning. Parið skoðar hvort tilefni sé til að kæra birtingu Ómars á persónuupplýsingum þeirra og íhuga að kvarta yfir honum til úrskurðarnefndar lögmanna. Vísir fjallaði um dóm sem féll 28. febrúar í máli Hrafntinnu Eirar Hermóðsdóttur og Ágústs Leós Björnssonar gegn flugfélaginu Neos vegna ógreiddra flugbóta en parið var þar dæmt til að greiða 350 þúsund króna málskostnað. Þegar blaðamaður hafði samband við parið fyrir viku síðan komu þau af fjöllum, vissu ekki að málið hefði farið fyrir dóm og höfðu ekkert heyrt frá Flugbótum. Formaður Lögmannafélagsins sagði það ekki eiga að gerast að fólk viti ekki af dómsmálum sem höfðuð eru í þeirra nafni. Eigandi Flugbóta, lögmaðurinn Ómar R. Valdimarsson, svaraði nokkrum dögum síðar fyrir sig á Facebook. Hann sagði parið skorta lesskilning og birti skjáskot af samskiptum sínum við þau sér til rökstuðnings. Einnig gagnrýndi hann formann Lögmannafélagsins fyrir að tjá sig um málið án vitenskju um málsatriði. Einar Hugi Bjarnason, hæstaréttarlögmaður við Lögfræðistofu Reykjavíkur, hefur tekið að sér hagsmunagæslu fyrir parið og greinir frá stöðu málsins í samtali við fréttastofu. Hann segir heildarsögu samskipta parsins við Ómar ekki hafa komið fyllilega skýrt fram og rekur hana. Hafði umboð til að höfða dómsmál ef þörf krefði Parið hafi leitað til Flugbóta við innheimta bóta á hendur flugfélaginu Neos og gengið undir skilmála á vefsvæði Flugbóta.is þar sem lögmanni er veitt umboð „til að höfða dómsmál ef þörf krefur“. „Áður en málið var þingfest bauð flugfélagið fulla greiðslu höfuðstóls kröfunnar, gegn því að lögmaðurinn framvísaði umboði um að honum væri heimilt að taka við greiðslu fyrir hönd Ágústar og Hrafntinnu. Án samráðs við umbjóðendur mína hafnaði lögmaðurinn þessu boði,“ segir Einar Hugi. Flugfélagið hafi ítrekað boð sitt og boðið greiðslu vaxta til að stuðla að farsælli lausn málsins. „Lögmaðurinn hafnaði þessu boði, enn án samráðs við umbjóðendur mína, og kvaðst ekki reiðbúinn að ljúka málinu nema málskostnaður yrði einnig greiddur,“ segir Einar. Einar segir að Ómar hafi höfðað dómsmál gegn flugfélaginu án þess að upplýsa umbjóðendur um sáttaboð flugfélagsins „hvað þá að óska eftir samþykki fyrir málshöfðun, líkt og viðtekin venja er, áður en dómsmál eru höfðuð.“ Þetta eigi sér í lagi við í dómsmálum sem þessum þar sem fjárhagslegir hagsmunir eru mun lægri en fyrirsjáanlegur kostnaður. „Þegar dómur gekk í málinu hafði lögmaðurinn svo ekki fyrir því að tilkynna umbjóðendum mínum um niðurstöðuna heldur fregnuðu þau af málalyktum með símtali frá blaðamanni þar sem þau eru upplýst um að málið hefði tapast og að þau hefðu verið dæmd til greiðslu málskostnaðar að fjárhæð 350.000 krónur.“ Birti samskipti sín við parið Einar segir að í kjölfar viðtals við parið á Vísi hafi Ómar sett sig í samband við þau með töluvpósti og hótað „þeim málsókn dragi þau ummæli sín ekki til baka og á auk þess í hótunum við móður annars umbjóðanda míns.“ Eftir þau samskipti hafi hann „birt færslu á Facebook þar sem hann rekur málið út frá sínum bæjardyrum, talar niður til fyrrum skjólstæðinga sinna og birtir skrifleg samskipti sín við þau ásamt ljósmynd af vegabréfi annars umbjóðanda míns,“ segir Einar. Facebook færslan hafi núna verið lagfærð og ljósmynd af vegabréfi tekin út. Hins vegar standi eftir skrifleg trúnaðarsamskipti parsins við lögmanninn og þau orð sem hann láti falla í þeirra garð. „Þetta er ámælisvert í ljósi þess trúnaðartrausts og þagnarskyldu sem ríkir milli lögmanna og skjólstæðinga þeirra og gildir þó að lögmaður hafi lokið störfum fyrir viðkomandi skjólstæðing,“ segir Einar. Íhuga næstu skref Einar segir umbjóðendur sína nú íhuga næstu skref í málinu, þar með talið hvort ástæða sé til að kvarta yfir háttsemi lögmannsins til úrskurðarnefndar lögmanna og persónuverndar. „Á þeim vettvangi fæst úr því skorið hvort lögmaðurinn hafi brotið af sér í störfum sínum fyrir umbjóðendur mína, þ.m.t. siðareglur lögmanna, lögmannalög, persónuverndarlög og lagareglur um friðhelgi einkalífs,“ segir Einar. „Þá íhuga umbjóðendur mínir hvort að ástæða sé til að kæra birtingu lögmannsins á viðkvæmum persónuupplýsingum þeirra á Facebook til lögreglu en samkvæmt 228. gr. almennra hegningarlaga er refsivert að brjóta gegn friðhelgi einkalífs m.a. með því að birta í heimildarleysi gögn um einkamálefni viðkomandi,“ segir hann. Hvenær heldurðu að það verði? „Ég hugsa að ákvöðun um það verði tekin fyrir vikulok,“ segir Einar að lokum. Hefur þú sögu að segja? Hefur þér verið hótað málsókn af lögmanni? Sendu okkur ábendingu á ritstjorn@visir.is. Fullum trúnaði er heitið. Dómsmál Persónuvernd Neytendur Lögmennska Fréttir af flugi Mest lesið Lagði við Hverfisgötu eftir allt saman Innlent Boða aftur til kvennaverkfalls fimmtíu árum eftir það fyrsta Innlent „Ég held að það sé sterk friðarvon núna“ Innlent Trump segir Hamas og Ísraela hafa náð samkomulagi Erlent Ástæða til að hafa áhyggjur af vanfjármögnun spítalans Innlent „Ég ætla ekki að jarða hann, ég ætla að hafa hann á lífi“ Innlent Skýr afstaða landsmanna um hvort einkunnir eigi að vera í tölum eða bókstöfum Innlent Von um frið en uggur um efndir Erlent Segir lægri álagningu á húsnæði en í öðrum greinum Viðskipti innlent Utanríkisráðherra Palestínu á Íslandi á sögulegum tímum Innlent Fleiri fréttir Friður á Gasa mögulega í sjónmáli og rætt við utanríkisráðherra Palestínu Mosfellingur hjá Strætó leiðir unga Framsóknarmenn „Hvað varð um að gera meira, hraðar?“ Veðrið setur strik í reikninginn Segjast hafa verið neydd til að krjúpa tímunum saman og lýsa yfir ást sinni á Ísrael Utanríkisráðherra Palestínu á Íslandi á sögulegum tímum Leit að meintum brennuvargi engu skilað Boða aftur til kvennaverkfalls fimmtíu árum eftir það fyrsta Lagði við Hverfisgötu eftir allt saman „Ég held að það sé sterk friðarvon núna“ Ástæða til að hafa áhyggjur af vanfjármögnun spítalans Meirihluti hlynntur þátttöku ef Ísrael er ekki með Varnargarðar hækkaðir við Grindavík Skýr afstaða landsmanna um hvort einkunnir eigi að vera í tölum eða bókstöfum „Auðvitað er ég hrædd um hana“ Ford vörubíll árgerð 1930 gefinn Byggðasafni Árnesinga „Ég ætla ekki að jarða hann, ég ætla að hafa hann á lífi“ Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Sjá meira
Vísir fjallaði um dóm sem féll 28. febrúar í máli Hrafntinnu Eirar Hermóðsdóttur og Ágústs Leós Björnssonar gegn flugfélaginu Neos vegna ógreiddra flugbóta en parið var þar dæmt til að greiða 350 þúsund króna málskostnað. Þegar blaðamaður hafði samband við parið fyrir viku síðan komu þau af fjöllum, vissu ekki að málið hefði farið fyrir dóm og höfðu ekkert heyrt frá Flugbótum. Formaður Lögmannafélagsins sagði það ekki eiga að gerast að fólk viti ekki af dómsmálum sem höfðuð eru í þeirra nafni. Eigandi Flugbóta, lögmaðurinn Ómar R. Valdimarsson, svaraði nokkrum dögum síðar fyrir sig á Facebook. Hann sagði parið skorta lesskilning og birti skjáskot af samskiptum sínum við þau sér til rökstuðnings. Einnig gagnrýndi hann formann Lögmannafélagsins fyrir að tjá sig um málið án vitenskju um málsatriði. Einar Hugi Bjarnason, hæstaréttarlögmaður við Lögfræðistofu Reykjavíkur, hefur tekið að sér hagsmunagæslu fyrir parið og greinir frá stöðu málsins í samtali við fréttastofu. Hann segir heildarsögu samskipta parsins við Ómar ekki hafa komið fyllilega skýrt fram og rekur hana. Hafði umboð til að höfða dómsmál ef þörf krefði Parið hafi leitað til Flugbóta við innheimta bóta á hendur flugfélaginu Neos og gengið undir skilmála á vefsvæði Flugbóta.is þar sem lögmanni er veitt umboð „til að höfða dómsmál ef þörf krefur“. „Áður en málið var þingfest bauð flugfélagið fulla greiðslu höfuðstóls kröfunnar, gegn því að lögmaðurinn framvísaði umboði um að honum væri heimilt að taka við greiðslu fyrir hönd Ágústar og Hrafntinnu. Án samráðs við umbjóðendur mína hafnaði lögmaðurinn þessu boði,“ segir Einar Hugi. Flugfélagið hafi ítrekað boð sitt og boðið greiðslu vaxta til að stuðla að farsælli lausn málsins. „Lögmaðurinn hafnaði þessu boði, enn án samráðs við umbjóðendur mína, og kvaðst ekki reiðbúinn að ljúka málinu nema málskostnaður yrði einnig greiddur,“ segir Einar. Einar segir að Ómar hafi höfðað dómsmál gegn flugfélaginu án þess að upplýsa umbjóðendur um sáttaboð flugfélagsins „hvað þá að óska eftir samþykki fyrir málshöfðun, líkt og viðtekin venja er, áður en dómsmál eru höfðuð.“ Þetta eigi sér í lagi við í dómsmálum sem þessum þar sem fjárhagslegir hagsmunir eru mun lægri en fyrirsjáanlegur kostnaður. „Þegar dómur gekk í málinu hafði lögmaðurinn svo ekki fyrir því að tilkynna umbjóðendum mínum um niðurstöðuna heldur fregnuðu þau af málalyktum með símtali frá blaðamanni þar sem þau eru upplýst um að málið hefði tapast og að þau hefðu verið dæmd til greiðslu málskostnaðar að fjárhæð 350.000 krónur.“ Birti samskipti sín við parið Einar segir að í kjölfar viðtals við parið á Vísi hafi Ómar sett sig í samband við þau með töluvpósti og hótað „þeim málsókn dragi þau ummæli sín ekki til baka og á auk þess í hótunum við móður annars umbjóðanda míns.“ Eftir þau samskipti hafi hann „birt færslu á Facebook þar sem hann rekur málið út frá sínum bæjardyrum, talar niður til fyrrum skjólstæðinga sinna og birtir skrifleg samskipti sín við þau ásamt ljósmynd af vegabréfi annars umbjóðanda míns,“ segir Einar. Facebook færslan hafi núna verið lagfærð og ljósmynd af vegabréfi tekin út. Hins vegar standi eftir skrifleg trúnaðarsamskipti parsins við lögmanninn og þau orð sem hann láti falla í þeirra garð. „Þetta er ámælisvert í ljósi þess trúnaðartrausts og þagnarskyldu sem ríkir milli lögmanna og skjólstæðinga þeirra og gildir þó að lögmaður hafi lokið störfum fyrir viðkomandi skjólstæðing,“ segir Einar. Íhuga næstu skref Einar segir umbjóðendur sína nú íhuga næstu skref í málinu, þar með talið hvort ástæða sé til að kvarta yfir háttsemi lögmannsins til úrskurðarnefndar lögmanna og persónuverndar. „Á þeim vettvangi fæst úr því skorið hvort lögmaðurinn hafi brotið af sér í störfum sínum fyrir umbjóðendur mína, þ.m.t. siðareglur lögmanna, lögmannalög, persónuverndarlög og lagareglur um friðhelgi einkalífs,“ segir Einar. „Þá íhuga umbjóðendur mínir hvort að ástæða sé til að kæra birtingu lögmannsins á viðkvæmum persónuupplýsingum þeirra á Facebook til lögreglu en samkvæmt 228. gr. almennra hegningarlaga er refsivert að brjóta gegn friðhelgi einkalífs m.a. með því að birta í heimildarleysi gögn um einkamálefni viðkomandi,“ segir hann. Hvenær heldurðu að það verði? „Ég hugsa að ákvöðun um það verði tekin fyrir vikulok,“ segir Einar að lokum. Hefur þú sögu að segja? Hefur þér verið hótað málsókn af lögmanni? Sendu okkur ábendingu á ritstjorn@visir.is. Fullum trúnaði er heitið.
Hefur þú sögu að segja? Hefur þér verið hótað málsókn af lögmanni? Sendu okkur ábendingu á ritstjorn@visir.is. Fullum trúnaði er heitið.
Dómsmál Persónuvernd Neytendur Lögmennska Fréttir af flugi Mest lesið Lagði við Hverfisgötu eftir allt saman Innlent Boða aftur til kvennaverkfalls fimmtíu árum eftir það fyrsta Innlent „Ég held að það sé sterk friðarvon núna“ Innlent Trump segir Hamas og Ísraela hafa náð samkomulagi Erlent Ástæða til að hafa áhyggjur af vanfjármögnun spítalans Innlent „Ég ætla ekki að jarða hann, ég ætla að hafa hann á lífi“ Innlent Skýr afstaða landsmanna um hvort einkunnir eigi að vera í tölum eða bókstöfum Innlent Von um frið en uggur um efndir Erlent Segir lægri álagningu á húsnæði en í öðrum greinum Viðskipti innlent Utanríkisráðherra Palestínu á Íslandi á sögulegum tímum Innlent Fleiri fréttir Friður á Gasa mögulega í sjónmáli og rætt við utanríkisráðherra Palestínu Mosfellingur hjá Strætó leiðir unga Framsóknarmenn „Hvað varð um að gera meira, hraðar?“ Veðrið setur strik í reikninginn Segjast hafa verið neydd til að krjúpa tímunum saman og lýsa yfir ást sinni á Ísrael Utanríkisráðherra Palestínu á Íslandi á sögulegum tímum Leit að meintum brennuvargi engu skilað Boða aftur til kvennaverkfalls fimmtíu árum eftir það fyrsta Lagði við Hverfisgötu eftir allt saman „Ég held að það sé sterk friðarvon núna“ Ástæða til að hafa áhyggjur af vanfjármögnun spítalans Meirihluti hlynntur þátttöku ef Ísrael er ekki með Varnargarðar hækkaðir við Grindavík Skýr afstaða landsmanna um hvort einkunnir eigi að vera í tölum eða bókstöfum „Auðvitað er ég hrædd um hana“ Ford vörubíll árgerð 1930 gefinn Byggðasafni Árnesinga „Ég ætla ekki að jarða hann, ég ætla að hafa hann á lífi“ Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Sjá meira