Dýrast að sjá Gylfa eða vera seinlátur Vesturbæingur Sindri Sverrisson skrifar 10. apríl 2024 08:30 Það kostar 3.000 krónur að mæta á leiki Vals á Hlíðarenda en dýrast er að kaupa miða á KR-leiki ef beðið er alveg fram á leikdag. Grafík/Heiðar Gríðarlegur áhugi var á fyrstu umferð tímabilsins í Bestu deild karla í fótbolta og vel mætt á leikina. Það getur þó kostað allt að 3.500 krónur að fá miða á völlinn. Vísir kannaði miðaverð á heimaleikjum liðanna tólf í Bestu deild karla en þau ráða verðlagningunni sjálf og er verðið því breytilegt á milli félaga. Flest þeirra selja miðana á lægra verði í forsölu, fram að leikdegi, í von um að áhorfendur taki fyrr ákvörðun um að mæta á völlinn. Með því er auðveldara fyrir félögin að ákvarða ýmislegt varðandi innkaup og fjölda sjálfboðaliða á leikjunum. Eins og sjá má í töflunni hér að neðan eru það aðeins Breiðablik, KA og Valur sem selja miðana á sama verði í forsölu og á leikdegi. Dýrasti miðinn í forsölu er á heimaleiki Vals, eða 3.000 krónur, en slíkir miðar hafa sjálfsagt sjaldan verið eftirsóttari eftir að Gylfi Þór Sigurðsson ákvað að koma í íslenska boltann og spila með Val. Miðinn kostar það sama á leikdegi. Valsmenn gera hins vegar mjög vel við sitt stuðningsfólk og bjóða upp á árskort, á alla heimaleiki Vals í Bestu deildum karla og kvenna, fyrir aðeins 9.500 krónur. Það tilboð rennur út á föstudaginn. Algengt er að árskort hjá öðrum félögum kosti um 25.000 krónur. Ódýrustu miðarnir hjá Breiðabliki Breiðablik býður aftur á móti upp á ódýrustu stöku miðana en aðeins 2.000 krónur kostar að mæta á Kópavogsvöll, burtséð frá því hvort miðar eru keyptir í forsölu eða á leikdegi. Alls bjóða sjö félög upp á staka miða á 2.000 krónur en hjá öllum nema Breiðabliki hækkar verðið svo þegar kemur að leikdegi. Hjá FH-ingum hækkar verðið í 3.000 krónur daginn fyrir leikdag. Setið var í báðum stúkum á Kópavogsvelli á fyrsta heimaleik Breiðabliks á mánudaginn, en Blikar bjóða nú upp á að áhorfendur geti valið sér sæti í Stubbs-appinu.vísir/Anton Ljóst er að áhuginn á Bestu deild karla, frá því að hún hlaut það nafn, hefur aldrei verið meiri og að meðaltali mættu 1.443 áhorfendur á leikina í 1. umferð. Það er umtalsverð fjölgun frá því í fyrra (1.209) og í 1. umferðinni árið 2022 (1.006). Þökkum fyrir frábæra mætingu í fyrstu umferð Bestu deildar karla Það mættu 20% fleiri á fyrstu umferð í ár en í fyrra Hlökkum til að sjá ykkur í næstu umferð sem hefst næstkomandi föstudag með leik @FCStjarnan vs @KRreykjavik #bestadeildin pic.twitter.com/LQdNPVfv98— Besta deildin (@bestadeildin) April 9, 2024 Vilja að fólk taki ákvörðun fyrr Eins og fyrr segir beita flest félaganna forsölu-aðferð, sem gefur oft þúsund króna afslátt, til að virkja fólk fyrr til miðakaupa. Í svari frá einu þeirra segir: „Ástæðan fyrir þessari breytingu er fyrst og fremst sú að skv. gögnum sem við fengum frá ÍTF þá er langstærsti hluti (90%+) miðasölu á leiki að eiga sér stað á leikdag. Það sem verra er að meirihluti sölunnar á leikdag á sér svo stað 2 tímum fyrir leik og að flauti dómarans. Hugmyndin með þessu er að reyna að færa ákvörðunina um miðakaup framar í tíma svo við getum betur undirbúið leikdaginn t.d. með tilliti til fjölda starfsfólks, skipulags starfsstöðva og innkaup á aðföngum.“ Getur kostað 3.500 að mæta á heimaleiki KR Dýrasti staki miðinn sem er í boði er fyrir þá sem taka seint ákvörðun um að mæta á heimaleiki KR-inga. Þeir þurfa að greiða heilar 3.500 krónur á leikdag en þúsund krónum minna ef miðinn er keyptur fyrr. KR-ingar hófu tímabilið á sigri gegn Fylki í Árbæ. Miði á heimaleiki þeirra í sumar kostar 2.500 krónur, nema að verslað sé á leikdegi en þá kostar miðinn 3.500.vísir/Anton Alls kostar stakur miði að minnsta kosti 3.000 krónur á leikdag hjá átta af tólf félögum í deildinni. Þrjú félög rukka vegna barna Samkvæmt svörum frá félögunum tólf rukka aðeins þrjú þeirra börn undir 16 ára aldri og kostar miðinn fyrir þau 500 krónur. Þetta eru KA, Valur og Víkingur en í tilviki Víkinga er ókeypis fyrir iðkendur félagsins. Hjá öðrum félögum kostar ekkert fyrir börn að mæta. Þá er rétt að taka fram að í sumum tilvikum geta ungmenni eldri en 16 ára fengið ódýrari árskort, og að flest ef ekki öll félögin bjóða upp á ódýrari miða fyrir aldraða og öryrkja. Besta deild karla Breiðablik FH Fylkir Fram HK ÍA KR KA Stjarnan Valur Vestri Víkingur Reykjavík Mest lesið Bein útsending: Bakgarðshlaupið í Öskjuhlíð Sport Annað dauðsfall í CrossFit keppni Sport Bakgarður 101: „Ætla að níðast á þessum líkama og sjá hvað hann getur“ Sport Vill að Arsenal neiti að standa heiðursvörð fyrir Liverpool Enski boltinn „Heyrðu, það þarf einhver að skutla syni okkar á leikskólann“ Sport Leik lokið: Porrino - Valur 29-29 | Jafnt í fyrri leiknum Handbolti Dreymir um að fá að heiðra dóttur sína heitna í úrslitaleiknum Fótbolti Fundu myndband af páfanum á hafnaboltaleik Sport Setti heimsmet en þarf ekki Sveindís Jane að fá að reyna næst? Fótbolti Bakgarður 101: Heilagir hringir hjá biskup Íslands Sport Fleiri fréttir Man. City tapaði mjög óvænt stigum á móti botnliðinu Leik lokið: Vestri-Afturelding 2-0 | Vestramenn aftur á toppinn Íslensku stelpurnar redduðu málunum fyrir Kristianstad Í beinni: Porrino - Valur | Fyrri úrslitaleikurinn Amanda varð bikarmeistari og Sædís lagði upp mark í stórsigri „Mikilvægt að okkar uppöldu KR-ingar spili með félaginu“ Ísak góður þegar Düsseldorf hélt voninni á lífi Fundu myndband af páfanum á hafnaboltaleik Dreymir um að fá að heiðra dóttur sína heitna í úrslitaleiknum Helena í ham í Bestu mörkunum: „Mér finnst þetta vera algjört bull“ Bakgarður 101: Heilagir hringir hjá biskup Íslands Annað dauðsfall í CrossFit keppni Haaland hreinskilinn: Ég hef ekki verið nægilega góður „Maður veit alveg hver gulrótin er“ Vill að Arsenal neiti að standa heiðursvörð fyrir Liverpool Bein útsending: Bakgarðshlaupið í Öskjuhlíð Bakgarður 101: „Ætla að níðast á þessum líkama og sjá hvað hann getur“ Dagskráin: Fer Íslandsmeistarbikarinn á loft í Njarðvík? Setti heimsmet en þarf ekki Sveindís Jane að fá að reyna næst? „Einu skrefi nær því að verða næsti Sir Alex Ferguson“ Sex rallýgoðsagnir teknar inn í nýjustu frægðarhöllina á Íslandi Fjögur lið á toppnum með fjögur stig „Heyrðu, það þarf einhver að skutla syni okkar á leikskólann“ Guðni Eiríksson: Markmannstaðan á Íslandi er ekki nógu góð Íslensku stelpurnar flugu inn í úrslitin Hamarsmenn tryggðu sér oddaleik Arteta varar Arsenal fólk við: Erfiðasta staðan að fylla Nýliðarnir sóttu þrjú stig á heimavöll hamingjunnar Uppgjör: FH-Stjarnan 2-1 | FH-konur áfram á flugi Syni Tigers mistókst að tryggja sér sæti á Opna bandaríska Sjá meira
Vísir kannaði miðaverð á heimaleikjum liðanna tólf í Bestu deild karla en þau ráða verðlagningunni sjálf og er verðið því breytilegt á milli félaga. Flest þeirra selja miðana á lægra verði í forsölu, fram að leikdegi, í von um að áhorfendur taki fyrr ákvörðun um að mæta á völlinn. Með því er auðveldara fyrir félögin að ákvarða ýmislegt varðandi innkaup og fjölda sjálfboðaliða á leikjunum. Eins og sjá má í töflunni hér að neðan eru það aðeins Breiðablik, KA og Valur sem selja miðana á sama verði í forsölu og á leikdegi. Dýrasti miðinn í forsölu er á heimaleiki Vals, eða 3.000 krónur, en slíkir miðar hafa sjálfsagt sjaldan verið eftirsóttari eftir að Gylfi Þór Sigurðsson ákvað að koma í íslenska boltann og spila með Val. Miðinn kostar það sama á leikdegi. Valsmenn gera hins vegar mjög vel við sitt stuðningsfólk og bjóða upp á árskort, á alla heimaleiki Vals í Bestu deildum karla og kvenna, fyrir aðeins 9.500 krónur. Það tilboð rennur út á föstudaginn. Algengt er að árskort hjá öðrum félögum kosti um 25.000 krónur. Ódýrustu miðarnir hjá Breiðabliki Breiðablik býður aftur á móti upp á ódýrustu stöku miðana en aðeins 2.000 krónur kostar að mæta á Kópavogsvöll, burtséð frá því hvort miðar eru keyptir í forsölu eða á leikdegi. Alls bjóða sjö félög upp á staka miða á 2.000 krónur en hjá öllum nema Breiðabliki hækkar verðið svo þegar kemur að leikdegi. Hjá FH-ingum hækkar verðið í 3.000 krónur daginn fyrir leikdag. Setið var í báðum stúkum á Kópavogsvelli á fyrsta heimaleik Breiðabliks á mánudaginn, en Blikar bjóða nú upp á að áhorfendur geti valið sér sæti í Stubbs-appinu.vísir/Anton Ljóst er að áhuginn á Bestu deild karla, frá því að hún hlaut það nafn, hefur aldrei verið meiri og að meðaltali mættu 1.443 áhorfendur á leikina í 1. umferð. Það er umtalsverð fjölgun frá því í fyrra (1.209) og í 1. umferðinni árið 2022 (1.006). Þökkum fyrir frábæra mætingu í fyrstu umferð Bestu deildar karla Það mættu 20% fleiri á fyrstu umferð í ár en í fyrra Hlökkum til að sjá ykkur í næstu umferð sem hefst næstkomandi föstudag með leik @FCStjarnan vs @KRreykjavik #bestadeildin pic.twitter.com/LQdNPVfv98— Besta deildin (@bestadeildin) April 9, 2024 Vilja að fólk taki ákvörðun fyrr Eins og fyrr segir beita flest félaganna forsölu-aðferð, sem gefur oft þúsund króna afslátt, til að virkja fólk fyrr til miðakaupa. Í svari frá einu þeirra segir: „Ástæðan fyrir þessari breytingu er fyrst og fremst sú að skv. gögnum sem við fengum frá ÍTF þá er langstærsti hluti (90%+) miðasölu á leiki að eiga sér stað á leikdag. Það sem verra er að meirihluti sölunnar á leikdag á sér svo stað 2 tímum fyrir leik og að flauti dómarans. Hugmyndin með þessu er að reyna að færa ákvörðunina um miðakaup framar í tíma svo við getum betur undirbúið leikdaginn t.d. með tilliti til fjölda starfsfólks, skipulags starfsstöðva og innkaup á aðföngum.“ Getur kostað 3.500 að mæta á heimaleiki KR Dýrasti staki miðinn sem er í boði er fyrir þá sem taka seint ákvörðun um að mæta á heimaleiki KR-inga. Þeir þurfa að greiða heilar 3.500 krónur á leikdag en þúsund krónum minna ef miðinn er keyptur fyrr. KR-ingar hófu tímabilið á sigri gegn Fylki í Árbæ. Miði á heimaleiki þeirra í sumar kostar 2.500 krónur, nema að verslað sé á leikdegi en þá kostar miðinn 3.500.vísir/Anton Alls kostar stakur miði að minnsta kosti 3.000 krónur á leikdag hjá átta af tólf félögum í deildinni. Þrjú félög rukka vegna barna Samkvæmt svörum frá félögunum tólf rukka aðeins þrjú þeirra börn undir 16 ára aldri og kostar miðinn fyrir þau 500 krónur. Þetta eru KA, Valur og Víkingur en í tilviki Víkinga er ókeypis fyrir iðkendur félagsins. Hjá öðrum félögum kostar ekkert fyrir börn að mæta. Þá er rétt að taka fram að í sumum tilvikum geta ungmenni eldri en 16 ára fengið ódýrari árskort, og að flest ef ekki öll félögin bjóða upp á ódýrari miða fyrir aldraða og öryrkja.
Besta deild karla Breiðablik FH Fylkir Fram HK ÍA KR KA Stjarnan Valur Vestri Víkingur Reykjavík Mest lesið Bein útsending: Bakgarðshlaupið í Öskjuhlíð Sport Annað dauðsfall í CrossFit keppni Sport Bakgarður 101: „Ætla að níðast á þessum líkama og sjá hvað hann getur“ Sport Vill að Arsenal neiti að standa heiðursvörð fyrir Liverpool Enski boltinn „Heyrðu, það þarf einhver að skutla syni okkar á leikskólann“ Sport Leik lokið: Porrino - Valur 29-29 | Jafnt í fyrri leiknum Handbolti Dreymir um að fá að heiðra dóttur sína heitna í úrslitaleiknum Fótbolti Fundu myndband af páfanum á hafnaboltaleik Sport Setti heimsmet en þarf ekki Sveindís Jane að fá að reyna næst? Fótbolti Bakgarður 101: Heilagir hringir hjá biskup Íslands Sport Fleiri fréttir Man. City tapaði mjög óvænt stigum á móti botnliðinu Leik lokið: Vestri-Afturelding 2-0 | Vestramenn aftur á toppinn Íslensku stelpurnar redduðu málunum fyrir Kristianstad Í beinni: Porrino - Valur | Fyrri úrslitaleikurinn Amanda varð bikarmeistari og Sædís lagði upp mark í stórsigri „Mikilvægt að okkar uppöldu KR-ingar spili með félaginu“ Ísak góður þegar Düsseldorf hélt voninni á lífi Fundu myndband af páfanum á hafnaboltaleik Dreymir um að fá að heiðra dóttur sína heitna í úrslitaleiknum Helena í ham í Bestu mörkunum: „Mér finnst þetta vera algjört bull“ Bakgarður 101: Heilagir hringir hjá biskup Íslands Annað dauðsfall í CrossFit keppni Haaland hreinskilinn: Ég hef ekki verið nægilega góður „Maður veit alveg hver gulrótin er“ Vill að Arsenal neiti að standa heiðursvörð fyrir Liverpool Bein útsending: Bakgarðshlaupið í Öskjuhlíð Bakgarður 101: „Ætla að níðast á þessum líkama og sjá hvað hann getur“ Dagskráin: Fer Íslandsmeistarbikarinn á loft í Njarðvík? Setti heimsmet en þarf ekki Sveindís Jane að fá að reyna næst? „Einu skrefi nær því að verða næsti Sir Alex Ferguson“ Sex rallýgoðsagnir teknar inn í nýjustu frægðarhöllina á Íslandi Fjögur lið á toppnum með fjögur stig „Heyrðu, það þarf einhver að skutla syni okkar á leikskólann“ Guðni Eiríksson: Markmannstaðan á Íslandi er ekki nógu góð Íslensku stelpurnar flugu inn í úrslitin Hamarsmenn tryggðu sér oddaleik Arteta varar Arsenal fólk við: Erfiðasta staðan að fylla Nýliðarnir sóttu þrjú stig á heimavöll hamingjunnar Uppgjör: FH-Stjarnan 2-1 | FH-konur áfram á flugi Syni Tigers mistókst að tryggja sér sæti á Opna bandaríska Sjá meira