Nektarmyndum fækkar meðal ung­menna

Þetta kemur fram þegar að niðurstöður úr nýrri skýrslu um kynferðisleg komment og nektarmyndir meðal meðal grunn- og framhaldsskólanema á aldrinum 9-18 ára eru bornar saman við sambærilega rannsókn frá árinu 2021. Könnunin er framkvæmd af Menntavísindastofnun í samstarfi við Fjölmiðlanefnd. 

Þátttakendur í 8.-10. bekk grunnskóla og 18 ára og yngri nemendur í framhaldsskóla voru spurðir nokkurra spurninga um deilingu nektarmynda. Tveir af hverjum tíu þátttakendum í 8.-10. bekk og um helmingur á framhaldsskólastigi segjast hafa fengið sendar nektarmyndir. 

Á framhaldsskólastigi eru stelpur helmingi líklegri til að hafa fengið senda nektarmynd en strákar. Á unglingastigi eru stelpur einnig líklegri til að hafa fengið slíkar myndsendingar (24%), en hlutfall stráka er nokkuð lægra, eða 16 prósent.

Rúmlega 70 prósent þeirra stelpna sem höfðu fengið nektarmyndir sendar segjast hafa móttekið þær frá ókunnugri manneskju á netinu. Hlutfall stráka sem höfðu fengið myndirnar frá ókunnugum var mun lægra eða 34 prósent á unglingastigi og 24 prósent á framhaldsskólastigi. Um 40 prósent stráka í framhaldsskóla sem móttekið höfðu nektarmyndir segjast hafa fengið myndirnar frá kærustu/kærasta eða frá vini sem er stelpa 51 prósent.

Niðurstöður í heild sinni.