Tierney fór út af vegna meiðsla í læri þegar Skotland gerði jafntefli við Sviss í 2. umferð A-riðils. Þessi 27 ára gamli varnarmaður var mikið meiddur á nýafstaðinni leiktíð þar sem hann spilaði með Real Sociedad á Spáni. Var hann á láni frá enska úrvalsdeildarliðinu Arsenal.
„Elska þetta lið og þessa drengi. Þetta mun líða hjá,“ sagði Tierney á samfélagsmiðlum þegar hann tilkynnti að hann yrði ekki meira með á mótinu.
Heartbroken doesn’t cut it. Love this team and these boys🏴. This too shall pass❤️ pic.twitter.com/2sw9piBRE9
— Kieran Tierney (@kierantierney1) June 21, 2024
Skotar eru að glíma við varnarkrísu þar sem Aaron Hickey og Nathan Patterson meiddust í aðdraganda mótsins og Ryan Porteous fékk rautt spjald í fyrsta leik. Hann var svo dæmdur í tveggja leikja bann og verður því ekki með í lokaleiknum gegn Ungverjalandi.