Vonar að ráðherra verði ekki við ósk Sigríðar Vésteinn Örn Pétursson skrifar 30. júlí 2024 17:53 Helgi segist lítinn stuðning hafa fengið hjá vinnustað sínum meðan hann og fjölskylda hans sátu undir hótunum. Vísir/Arnar Helgi Magnús Gunnarsson vararíkissaksóknari telur ekki að Sigríður J. Friðjónsdóttir ríkissaksóknari sé til þess bær að veita honum áminningu í starfi. Það vald liggi hjá dómsmálaráðherra. Hann segist vona að dómsmálaráðherra taki ekki til greina ósk Sigríðar um að taka mál hans til skoðunar, og vísa honum tímabundið frá störfum. Helgi tjáði sig fyrir nokkru um mál Mohamads Thors Jóhannessonar (áður Mohamad Kourani), en Helgi og fjölskylda hans máttu sæta hótunum frá Mohamad um árabil. Tilefni viðtals Vísis við Helga var átta ára fangelsisdómur yfir Mohamad. Þar sagði Helgi meðal annars að þó Mohamad væri ýkt dæmi, væri verið að flytja til landsins menningu sem þekkist almennt ekki hér á landi, en Mohamad kom hingað til lands frá Sýrlandi. „Tilefnið af þessu öllu saman voru fyrirspurnir fjölmiðla um hvaða áhrif það hefði á líðan mína og minnar fjölskyldu að þessi maður væri ekki lengur á götum borgarinnar,“ segir Helgi. Hann segir mikið gert úr ummælunum, en bendir á að þau snúi að máli sem snerti hans persónu, hans fjölskyldu og öryggi hans. „Maður er náttúrulega mannlegur og maður tekur ýmislegt á sig og ber sig vel. En ég hef áttað mig á því í framhaldi af öllu þessu hvaða álag það hefur verið að vera í þrjú ár sífellt með hugann við það hvort börnin manns séu örugg heima hjá sér. Hvort einhvert klikk sem kemur í símann, þegar myndavélarnar sem ég setti upp á húsið nema einhverja hreyfingu, hvort sú hreyfing sé þessi maður kominn til að vinna einhver illvirki,“ segir Helgi. Að vera alltaf á varðbergi eins og hann lýsir taki toll. „Maður á náttúrulega ekkert dýrmætara en börnin sín og gerir allt til að vernda þau. Það verður allt heiðarlegt og gott fólk að skilja það að ef maður er í þessari aðstöðu sem ég er, þá kann að vera að álagið sjáist stundum á manni, án þess að maður geri sér grein fyrir því eða vilji láta það hafa áhrif. En maður er ekki bara fagmaður og lögfræðingur, maður er líka ábyrgur fyrir börnunum og fjölskyldunni og á sitt persónulega líf utan við starfið.“ Lítill skilningur Helgi segist ekki hafa fengið mikinn skilning eða stuðning hjá yfirmanni sínum. „Hvorki í að það væri skilningur á þessu ástandi, né þá að það væri kannski einhver hluti af því sem hefur verið til umfjöllunar upp á síðkastið afleiðing af þessu ástandi sem er búið að vara í þennan tíma,“ segir Helgi. Mögulega hafi hann átt að láta ógert að tjá sig með þeim hætti sem hann gerði. „Ég reyndar held að þetta hafi allt verið mjög hófstillt og ekki tilefni til þessara viðbragða ríkissaksóknara yfir höfuð. En maður hefði nú svosem alveg getað orðað hlutina aðeins öðruvísi, það er eins og alltaf, maður er bara mannlegur. En ég vil taka fram að ég tel ekki að ég hafi farið yfir nein strik.“ Vanhæfur vegna hótana, ekki eigin orða Helgi bendir á að það gerist reglulega að dómarar eða saksóknarar verði vanhæfir í ákveðnum málum, án þess að það sé tilefni til að þeir missi starf sitt. „Þessi nefndi maður, Kourani, ég er auðvitað vanhæfur í öllum hans málum og hef verið frá því hann byrjaði að hóta mér. Það liggur fyrir og hefur ekkert með mig að gera. Það er bara vegna þess að ég hef verið andlag hans brota.“ Í umfjöllun um málið hafa einhverjir viðrað þá skoðun að embættismenn í stöðu saksóknara eða sambærilegum stöðum eigi ekki að flagga skoðunum sínum opinberlega. „Það má kannski til sanns vegar færa, en þetta sem við erum að ræða sneri nú ekki bara að starfi mínu. Heldur að mér persónulega, mínu persónulega lífi, barnanna minna og öryggi fjölskyldunnar. Það er mikil einföldun að líta svo á að það sé bara hluti af starfsskyldum mínum,“ segir Helgi. Heilmikil viðbrögð annars staðar frá Helgi er ósáttur við hverni að málum var staðið af hálfu ríkissaksóknara. Hann er í sumarleyfi en var tilkynnt með tölvupósti í gær að máli hans hafi verið vísað til dómsmálaráðherra. „Ég hafði ekki fengið símtal né heyrt nokkurn skapaðan hlut áður en þetta gerðist. Ég fékk líka annan tölvupóst sem var tímasettur um fjórum mínútum síðar, þar sem samstarfsfólki mínu var tilkynnt um þetta sama. Ég las þessa pósta um klukkutíma eftir að þeir voru sendir, þannig að samstarfsfólk mitt var búið að sjá þessi skilaboð áður en ég sá þau, allavega þeir sem voru staddir við tölvu,“ segir Helgi. Sjá einnig: Frétti á eftir samstarfsfólki að ekki væri óskað eftir vinnuframlagi Hann segir ákvörðunina hafa komið sér verulega á óvart. „Í rauninni finnst mér nú ekki mikill sómi að þessari framgöngu, ég verð að segja það eins og er.“ Hann segist ekkert hafa heyrt frá Sigríði síðan, né öðrum hjá embætti ríkissaksóknara. „Engin viðbrögð þaðan. Ég hef fengið heilmikil viðbrögð annars staðar frá.“ Svipað „upphlaup“ árið 2022 Helgi var áminntur af Sigríði árið 2022 fyrir ummæli sín í um frétt Stöðvar 2 þar sem lögmaður hælisleitenda sagði stjórnvöld hafa sakað skjólstæðing sinn um að ljúga til um kynhneigð sína. Helgi Magnús deildi fréttinni með eftirfarandi texta: „Auðvitað ljúga þeir. Flestir koma í von um meiri pening og betra líf. Hver lýgur sér ekki til bjargar? Þar fyrir utan er einhver skortur á hommum á Íslandi?“ Hann áréttaði svo að honum þætti vænt um samkynhneigð og hefði aldrei haft nokkuð á móti þeim. Þó mætti ekki gera ráð fyrir að hælisleitendur, sem segðust samkynhneigðir, segðu satt til um það. Helgi kveðst hafa verið ósáttur við þá áminningu en afráðið að fara ekki í málaferli til að fá áminninguna ógilda. „Það var af svipuðum meiði og þetta upphlaup núna. Samstarf okkar að mínu viti hefur verið ágætt, þess vegna kom þetta mér á óvart, þetta útspil.“ Segir ráðherrans að veita áminninguna Raunar telur Helgi að rangt hafi verið staðið að áðurnefndri áminningu. „Dómsmálaráðherra veitir þetta starf, en ekki [Sigríður]. Það er kannski vert að hafa það í huga þegar rætt er um þessa áminningu. Ég hefði þá haldið að það væri dómsmálaráðherra sem ætti að veita þessa áminningu, því það er hún sem veitir starfið.“ Ósk Sigríðar til ráðherra snúi að því hvort víkja eigi honum frá störfum tímabundið, á meðan nefnd sérfræðinga taki mál hans til skoðunar, og fjalli um hvort víkja eigi honum frá endanlega. „Það sem Sigríður setur fram er bara ósk til ráðherra. Ég treysti því að ráðherrann sjái hvernig er í pottinn búið. Ég hef ekki reynt hana af öðru en að vera vel gerð og skynsöm manneskja. Að hún fari ekki að fara út í þessa vegferð sem Sigríður er að reyna að fá hana til að fara.“ Þætti lítið mál að mæta aftur til vinnu Helgi segir að sér myndi ekki þykja neitt tiltökumál að mæta aftur til vinnu, fari svo að dómsmálaráðherra fallist ekki á ósk Sigríðar um að mál Helga verði tekið til skoðunar. „Ég er stærri maður en svo að ég geti ekki tæklað það. Ég veit ekki hvernig Sigríði liði með það, en ég sæi það satt best að segja ekki sem neitt vandamál. En það er alltaf óþægilegt að fá svona í andlitið, það verður að segjast eins og er. Mál Mohamad Kourani Mál Helga Magnúsar Gunnarssonar Tjáningarfrelsi Mest lesið Segir kraftaverk að sonur sinn sé á lífi Innlent Nær dauða en lífi á bráðamóttökunni Innlent Íslendingur horfir fram á 24 ár í fangelsi til viðbótar Innlent Fegurðarsamkeppnin sem tók ljótan snúning Erlent „Við erum öll harmi slegin“ Innlent „Faðir þinn byrlaði mér til að nauðga mér með ókunnugum“ Erlent Fólk sem líti aldrei glaðan dag reyti hár sitt yfir saklausri auglýsingu Innlent „Þetta má aldrei gerast aftur“ Innlent Hundi haldið sofandi eftir amfetamíneitrun Innlent Farið lent en fararnir urðu eftir Erlent Fleiri fréttir Skoða að breyta Hópinu í safn Ópíóðar í fráveituvatni og einstakt samband stúlku og æðarfugls Fólk sem líti aldrei glaðan dag reyti hár sitt yfir saklausri auglýsingu 14 pör eða hjón í Hrunamannahreppi eiga von á barni Sturluð stemning á tónleikum Skálmaldar undir norðurljósunum Engin vopn á Ljósanótt og Októberfest Bæjarráð vill opna Grindavík fyrir almenningi Hundi haldið sofandi eftir amfetamíneitrun Ljósanæturuppgjör og stórtónleikar Skálmaldar Segir kraftaverk að sonur sinn sé á lífi Staða innflytjenda og kæra vegna Búrfellsvirkjunnar Íslendingur horfir fram á 24 ár í fangelsi til viðbótar Kýldi tvo lögregluþjóna í andlitið Gjaldþrot flugfélags leiddi til fyrstu flugvélasmíði Íslands Réðst á ferðamann og rændi hann Sundlauginni lokað vegna alvarlegrar bilunar Smali slasaðist við smalamennsku Stúlkan er fundin Leikskólabörn og 88 ára harmoníkuleikari Nýliðun í framkvæmdastjórn Pírata „Þetta má aldrei gerast aftur“ Þjóðarátak gegn ofbeldi og hjartnæm kyrrðarstund „Það skánar ekki við að búa til eins auglýsingu með karllíkama“ Klæðing fauk af veginum í hvassviðri Slökkviliðinu sigað á grunlausa grillara Rausnarskapur Kiwanisklúbbsins Ölvers í Þorlákshöfn Af og frá að einhver sé sýndur í neikvæðu ljósi Tvöfalda viðbúnað á Ljósanótt í kvöld „Við erum öll harmi slegin“ Hraun gæti náð að Reykjanesbraut á skömmum tíma í næsta gosi Sjá meira
Helgi tjáði sig fyrir nokkru um mál Mohamads Thors Jóhannessonar (áður Mohamad Kourani), en Helgi og fjölskylda hans máttu sæta hótunum frá Mohamad um árabil. Tilefni viðtals Vísis við Helga var átta ára fangelsisdómur yfir Mohamad. Þar sagði Helgi meðal annars að þó Mohamad væri ýkt dæmi, væri verið að flytja til landsins menningu sem þekkist almennt ekki hér á landi, en Mohamad kom hingað til lands frá Sýrlandi. „Tilefnið af þessu öllu saman voru fyrirspurnir fjölmiðla um hvaða áhrif það hefði á líðan mína og minnar fjölskyldu að þessi maður væri ekki lengur á götum borgarinnar,“ segir Helgi. Hann segir mikið gert úr ummælunum, en bendir á að þau snúi að máli sem snerti hans persónu, hans fjölskyldu og öryggi hans. „Maður er náttúrulega mannlegur og maður tekur ýmislegt á sig og ber sig vel. En ég hef áttað mig á því í framhaldi af öllu þessu hvaða álag það hefur verið að vera í þrjú ár sífellt með hugann við það hvort börnin manns séu örugg heima hjá sér. Hvort einhvert klikk sem kemur í símann, þegar myndavélarnar sem ég setti upp á húsið nema einhverja hreyfingu, hvort sú hreyfing sé þessi maður kominn til að vinna einhver illvirki,“ segir Helgi. Að vera alltaf á varðbergi eins og hann lýsir taki toll. „Maður á náttúrulega ekkert dýrmætara en börnin sín og gerir allt til að vernda þau. Það verður allt heiðarlegt og gott fólk að skilja það að ef maður er í þessari aðstöðu sem ég er, þá kann að vera að álagið sjáist stundum á manni, án þess að maður geri sér grein fyrir því eða vilji láta það hafa áhrif. En maður er ekki bara fagmaður og lögfræðingur, maður er líka ábyrgur fyrir börnunum og fjölskyldunni og á sitt persónulega líf utan við starfið.“ Lítill skilningur Helgi segist ekki hafa fengið mikinn skilning eða stuðning hjá yfirmanni sínum. „Hvorki í að það væri skilningur á þessu ástandi, né þá að það væri kannski einhver hluti af því sem hefur verið til umfjöllunar upp á síðkastið afleiðing af þessu ástandi sem er búið að vara í þennan tíma,“ segir Helgi. Mögulega hafi hann átt að láta ógert að tjá sig með þeim hætti sem hann gerði. „Ég reyndar held að þetta hafi allt verið mjög hófstillt og ekki tilefni til þessara viðbragða ríkissaksóknara yfir höfuð. En maður hefði nú svosem alveg getað orðað hlutina aðeins öðruvísi, það er eins og alltaf, maður er bara mannlegur. En ég vil taka fram að ég tel ekki að ég hafi farið yfir nein strik.“ Vanhæfur vegna hótana, ekki eigin orða Helgi bendir á að það gerist reglulega að dómarar eða saksóknarar verði vanhæfir í ákveðnum málum, án þess að það sé tilefni til að þeir missi starf sitt. „Þessi nefndi maður, Kourani, ég er auðvitað vanhæfur í öllum hans málum og hef verið frá því hann byrjaði að hóta mér. Það liggur fyrir og hefur ekkert með mig að gera. Það er bara vegna þess að ég hef verið andlag hans brota.“ Í umfjöllun um málið hafa einhverjir viðrað þá skoðun að embættismenn í stöðu saksóknara eða sambærilegum stöðum eigi ekki að flagga skoðunum sínum opinberlega. „Það má kannski til sanns vegar færa, en þetta sem við erum að ræða sneri nú ekki bara að starfi mínu. Heldur að mér persónulega, mínu persónulega lífi, barnanna minna og öryggi fjölskyldunnar. Það er mikil einföldun að líta svo á að það sé bara hluti af starfsskyldum mínum,“ segir Helgi. Heilmikil viðbrögð annars staðar frá Helgi er ósáttur við hverni að málum var staðið af hálfu ríkissaksóknara. Hann er í sumarleyfi en var tilkynnt með tölvupósti í gær að máli hans hafi verið vísað til dómsmálaráðherra. „Ég hafði ekki fengið símtal né heyrt nokkurn skapaðan hlut áður en þetta gerðist. Ég fékk líka annan tölvupóst sem var tímasettur um fjórum mínútum síðar, þar sem samstarfsfólki mínu var tilkynnt um þetta sama. Ég las þessa pósta um klukkutíma eftir að þeir voru sendir, þannig að samstarfsfólk mitt var búið að sjá þessi skilaboð áður en ég sá þau, allavega þeir sem voru staddir við tölvu,“ segir Helgi. Sjá einnig: Frétti á eftir samstarfsfólki að ekki væri óskað eftir vinnuframlagi Hann segir ákvörðunina hafa komið sér verulega á óvart. „Í rauninni finnst mér nú ekki mikill sómi að þessari framgöngu, ég verð að segja það eins og er.“ Hann segist ekkert hafa heyrt frá Sigríði síðan, né öðrum hjá embætti ríkissaksóknara. „Engin viðbrögð þaðan. Ég hef fengið heilmikil viðbrögð annars staðar frá.“ Svipað „upphlaup“ árið 2022 Helgi var áminntur af Sigríði árið 2022 fyrir ummæli sín í um frétt Stöðvar 2 þar sem lögmaður hælisleitenda sagði stjórnvöld hafa sakað skjólstæðing sinn um að ljúga til um kynhneigð sína. Helgi Magnús deildi fréttinni með eftirfarandi texta: „Auðvitað ljúga þeir. Flestir koma í von um meiri pening og betra líf. Hver lýgur sér ekki til bjargar? Þar fyrir utan er einhver skortur á hommum á Íslandi?“ Hann áréttaði svo að honum þætti vænt um samkynhneigð og hefði aldrei haft nokkuð á móti þeim. Þó mætti ekki gera ráð fyrir að hælisleitendur, sem segðust samkynhneigðir, segðu satt til um það. Helgi kveðst hafa verið ósáttur við þá áminningu en afráðið að fara ekki í málaferli til að fá áminninguna ógilda. „Það var af svipuðum meiði og þetta upphlaup núna. Samstarf okkar að mínu viti hefur verið ágætt, þess vegna kom þetta mér á óvart, þetta útspil.“ Segir ráðherrans að veita áminninguna Raunar telur Helgi að rangt hafi verið staðið að áðurnefndri áminningu. „Dómsmálaráðherra veitir þetta starf, en ekki [Sigríður]. Það er kannski vert að hafa það í huga þegar rætt er um þessa áminningu. Ég hefði þá haldið að það væri dómsmálaráðherra sem ætti að veita þessa áminningu, því það er hún sem veitir starfið.“ Ósk Sigríðar til ráðherra snúi að því hvort víkja eigi honum frá störfum tímabundið, á meðan nefnd sérfræðinga taki mál hans til skoðunar, og fjalli um hvort víkja eigi honum frá endanlega. „Það sem Sigríður setur fram er bara ósk til ráðherra. Ég treysti því að ráðherrann sjái hvernig er í pottinn búið. Ég hef ekki reynt hana af öðru en að vera vel gerð og skynsöm manneskja. Að hún fari ekki að fara út í þessa vegferð sem Sigríður er að reyna að fá hana til að fara.“ Þætti lítið mál að mæta aftur til vinnu Helgi segir að sér myndi ekki þykja neitt tiltökumál að mæta aftur til vinnu, fari svo að dómsmálaráðherra fallist ekki á ósk Sigríðar um að mál Helga verði tekið til skoðunar. „Ég er stærri maður en svo að ég geti ekki tæklað það. Ég veit ekki hvernig Sigríði liði með það, en ég sæi það satt best að segja ekki sem neitt vandamál. En það er alltaf óþægilegt að fá svona í andlitið, það verður að segjast eins og er.
Mál Mohamad Kourani Mál Helga Magnúsar Gunnarssonar Tjáningarfrelsi Mest lesið Segir kraftaverk að sonur sinn sé á lífi Innlent Nær dauða en lífi á bráðamóttökunni Innlent Íslendingur horfir fram á 24 ár í fangelsi til viðbótar Innlent Fegurðarsamkeppnin sem tók ljótan snúning Erlent „Við erum öll harmi slegin“ Innlent „Faðir þinn byrlaði mér til að nauðga mér með ókunnugum“ Erlent Fólk sem líti aldrei glaðan dag reyti hár sitt yfir saklausri auglýsingu Innlent „Þetta má aldrei gerast aftur“ Innlent Hundi haldið sofandi eftir amfetamíneitrun Innlent Farið lent en fararnir urðu eftir Erlent Fleiri fréttir Skoða að breyta Hópinu í safn Ópíóðar í fráveituvatni og einstakt samband stúlku og æðarfugls Fólk sem líti aldrei glaðan dag reyti hár sitt yfir saklausri auglýsingu 14 pör eða hjón í Hrunamannahreppi eiga von á barni Sturluð stemning á tónleikum Skálmaldar undir norðurljósunum Engin vopn á Ljósanótt og Októberfest Bæjarráð vill opna Grindavík fyrir almenningi Hundi haldið sofandi eftir amfetamíneitrun Ljósanæturuppgjör og stórtónleikar Skálmaldar Segir kraftaverk að sonur sinn sé á lífi Staða innflytjenda og kæra vegna Búrfellsvirkjunnar Íslendingur horfir fram á 24 ár í fangelsi til viðbótar Kýldi tvo lögregluþjóna í andlitið Gjaldþrot flugfélags leiddi til fyrstu flugvélasmíði Íslands Réðst á ferðamann og rændi hann Sundlauginni lokað vegna alvarlegrar bilunar Smali slasaðist við smalamennsku Stúlkan er fundin Leikskólabörn og 88 ára harmoníkuleikari Nýliðun í framkvæmdastjórn Pírata „Þetta má aldrei gerast aftur“ Þjóðarátak gegn ofbeldi og hjartnæm kyrrðarstund „Það skánar ekki við að búa til eins auglýsingu með karllíkama“ Klæðing fauk af veginum í hvassviðri Slökkviliðinu sigað á grunlausa grillara Rausnarskapur Kiwanisklúbbsins Ölvers í Þorlákshöfn Af og frá að einhver sé sýndur í neikvæðu ljósi Tvöfalda viðbúnað á Ljósanótt í kvöld „Við erum öll harmi slegin“ Hraun gæti náð að Reykjanesbraut á skömmum tíma í næsta gosi Sjá meira