Fékk rautt spjald fyrir að pissa

Cantorcillo og Atlético Awajún mættust þá í deildarhluta bikarkeppninnar

Í stöðunni 0-0 á 72. mínútu leiksins fengu liðsmenn Atlético Awajún hornspyrnu.

Leikmaður Cantorcillo hafði meiðst í látunum á undan og það var því töf á leiknum á meðan hugað var að meiðslum hans.

Sebastián Munoz, leikmaður númer tíu hjá Awajún, var kominn út að hornfána til að taka hornspyrnuna.

Honum var hins vegar það mikið mál að pissa að hann ákvað að nýta tækifærið og létta af sér á meðan beðið var eftir því að leikurinn var settur aftur í gang.

Dómarinn tók aftur á móti eftir þessu og var ekki lengi að komast að niðurstöðu.

Dómarinn gekk að Munoz og lyfti rauða spjaldinu eins og sjá má hér fyrir neðan.