Aron Einar var ekki valinn í hópinn að þessu sinni en hann hefur undanfarið verið að spila fyrir uppeldisfélag sitt, Þór, í Lengjudeildinni.
„Við höfum verið í sambandi og það er ánægjulegt að heyra að hann sé að styrkjast eftir erfið meiðsli,“ sagði Åge Hareide landsliðsþjálfari á sínum venjubundna Teams-fundi frá Noregi.
„Það er aftur á móti alveg ljóst að Aron verður að spila í sterkari deild ef hann ætlar sér að komast í landsliðið. Hann verður ekki valinn á meðan hann spilar með Þór.“
Skýr skilaboð frá Hareide og verður áhugavert að sjá hvaða spor Aron stígur í vetur og hvort hann reyni fyrir sér á ný utan landsteinana.
