Innlent

„Hún var hjartahlýjasta og sak­lausasta mann­veran“

Elín Margrét Böðvarsdóttir skrifar
Single candle flame on horizontal black background
Getty

„Hún var hjartahlýjasta og saklausasta mannveran sem hefur stigið á þessari jörð. Hún var of góð, trúði engu slæmu upp á aðra og var ljósberi fyrir alla sem henni kynntust.” Þetta skrifar Birgir Karl Óskarsson, faðir hinnar sautján ára gömlu Bryndísar Klöru sem lést af sárum sínum síðastliðið föstudagskvöld eftir að hafa orðið fyrir stunguárás í miðborg Reykjavíkur á Menningarnótt.

Orð Birgis birtast í færslu sem hann skrifar í Facebook-hópnum Stjórnmálaspjallinu fyrr í dag. „Slíkar manneskjur eru í mestri hættu þegar ólíkir heimar skarast,“ skrifar Birgir áfram í færslu sinni.

„Nú þarf að hafa hátt og tryggja með skipulegum og úthugsuðum hætti, að þessi martröð, missir okkar og líf Bryndísar minnar muni leiða til betri veruleika fyrir íslenskt samfélag!

Þessi dýra og óbærilega fórn hennar, skal og verður að bjarga mannslífum,“ segir að lokum í færslu Birgis.

Lögreglan á höfðuborgarsvæðinu greindi frá andláti Bryndísar Klöru fyrr í dag í tilkynningu þar sem þökkum frá fjölskyldu hennar er komið áleiðis til allra þeirra sem reyndu að bjarga lífi hennar. Sérstakar þakkir voru færðar starfsfólki Landspítala og þeim er komu að fyrstu hjálp á vettvangi.

Stunguárás við Skúlagötu Reykjavík

Mest lesið


Fleiri fréttir

Sjá meira


×

Mest lesið