Gengur til liðs við Dubai United þrátt fyrir fangelsis­dóm í heima­landinu

Hinn 32 ára gamli Promes hefur verið reglulegt fréttaefni á Vísi og víðar vegna athæfa sinna utan vallar. Hann hefur spilað í Rússlandi síðan 2021 og ekki látið sjá sig í heimalandinu en hann hefur að sama skapi farið reglulega til Dubai og landanna þar í kring.

Promes var handtekinn þegar hann var í æfingaferð þar í landi með Spartak Moskvu fyrir að halda áfram að keyra eftir að hafa lent í bílslysi og ekki verið með ökuréttindi.

Hann var því áfram í landinu sem hefur ekki virt samkomulag Hollands og Sameinuðu Arabísku Furstadæmanna um framsal landsliðsmannsins fyrrverandi. Hann er ekki á leið til Rússlands í bráð og nú hefur ESPN greint frá því að framherjinn hafi skrifað undir eins árs samning við B-deildarlið Dubai United.

Promes spilaði á sínum tíma 50 A-landsleiki og spilaði fyrir lið á borð við Ajax, Twente og Go Ahead Eagles.