Innlent

Á­fram á bak við lás og slá vegna and­láts hjónanna

Árni Sæberg skrifar
Maðurinn er grunaður um að hafa banað hjónum í Neskaupstað.
Maðurinn er grunaður um að hafa banað hjónum í Neskaupstað. Vísir/Vilhelm

Fallist hefur verið á kröfu um áframhaldandi gæsluvarðhald yfir manni sem grunaður er um að hafa orðið hjónum að bana í Neskaupstað í ágúst.

Í fréttatilkynningu þess efnis segir að fallist hafi verið á kröfu Lögreglustjórans á Austurlandi í Héraðsdómi Reykjavíkur í morgun og maðurinn úrskurðaður í gæsluvarðhald til 1. nóvember næstkomandi.

Þá segir að rannsókn málsin sé í fullum gangi og miði vel. Mikil vinna sé framundan við úrvinnslu gagna, sem muni taka tíma.

Frekari upplýsinga um málið frá lögreglu sé ekki að vænta að svo stöddu.

Rannsókn á andláti hjóna í Neskaupstað Fjarðabyggð Lögreglumál

Mest lesið


Fleiri fréttir

Sjá meira


×

Mest lesið