Kennarar ættu að koma sér úr hlutverki fórnarlamba Sólrún Dögg Jósefsdóttir skrifar 22. október 2024 20:57 Jón Pétur Zimsen fagnar því að skólamálin séu til umræðu. Vísir/Arnar Halldórsson Aðstoðarskólastjóri Réttarholtsskóla segir kennara ekki þurfa að fara í vörn vegna umræðu um menntakerfið undanfarin misseri, enda séu gallar í menntakerfinu ekki á ábyrgð kennara heldur sveitarfélaga. Aftur á móti ættu þeir að koma sér úr hlutverki fórnarlamba og taka stjórnina í umræðunni. Jón Pétur Zimsen aðstoðarskólastjóri Réttarholtsskóla hefur lagt orð í belg í tengslum við umræðuna um grunnskólamálin. Kennarasamband Íslands boðar verkföll í næsta mánuði á meðan Viðskiptaráð telur rekstur menntakerfisins í ólagi og aukið fjármagn ekki lausn á vandanum. Formaður kennarafélags Mosfellsbæjar, Seltjarnarness og Kópavogs sagði í samtali við fréttastofu að henni sárni málflutningur síðustu daga og umræða um úttektir Viðskiptaráðs og sveitarfélaganna. Kennarar upplifi að verið sé að tala starf þeirra ítrekað niður. „Hvers vegna erum við kennarar viðkvæmir fyrir umfjöllun Viðskiptaráðs og Morgunblaðsins um menntamál? Það er ekki kennurum að kenna hvernig staðan er. Þessir aðilar eru að minnsta kosti tilbúnir að setja menntamál á dagskrá, finnst þau það mikilvæg að vert sé að ræða þessi mikilvægu mál. Viljum við frekar þögnina?“ spyr Jón Pétur í umræðuhópnum Skólaþróunarspjallinu á Facebook. Færslan hefur vakið athygli meðlima. Vandinn ekki kennurum að kenna Hann segir menntamál ekki einkamál skólanna og að sú gagnrýni sem komið hefur á menntakerfið undanfarið beinist að mestu leyti að sveitarfélögunum og öðrum þeim sem stjórna menntamálunum, en ekki kennurum. „Við ættum að stjórna umræðunni meira og koma okkur úr hlutverki fórnarlamba, við vinnum að menntun æskunnar, eitt af mikilvægustu störfum samfélagsins,“ skrifar Jón Pétur. „Hvers vegna er erfitt að ræða málin opinskátt ? Menntakerfið okkar er ekki fullkomið, það er EKKI okkur kennurum að kenna, við þurfum ekki að fara í vörn.“ Björn Brynjúlfur Björnsson framkvæmdastjóri viðskiptaráðs vakti athygli á því í Kvöldfréttum í gær að hvergi á Norðurlöndum eru jafn fáir nemendur á hvern grunnskólakennara. Þá fari mikið fjármagn inn í kerfið, en skili ekki nægilegum afrakstri. Jón Pétur spyr í færslunni hvort ekki sé hægt að svara fyrir þetta. Hann bendir á að Ísland sé strjálbýlt og því hlutfallslega margir skólar hérlendis með fáa nemendur, og því fylgi mikill kostnaður. Það sama sé hægt að segja um vegakerfið, það sé dýrt vegna strjálbýlis og fámennis. Ýmislegt sem skýri kostnaðinn „Um 30% nemenda þiggja sérkennslu, um 25% meira en það ætti að vera vegna þess að við notum ekki árangursmestu kennsluaðferðir hvað grunnnám varðar. Mikill kostnaður,“ skrifar Jón Pétur jafnframt. Hann bendir einnig á að foreldrar á Íslandi vinni einna mest innan OECD og séu því minna með börnum sínum en foreldrar í samanburðarlöndum. „Börn eru ekki dauðir hlutir þau þurfa leiðsögn og þjálfun í félagsfærni sem er lærð hegðun sem lærist illa við skjái, kostnaður.“ Þá hafi börnum af erlendu bergi fjölgað mikið og kerfið sinni þeim ekki nógu vel. Þrátt fyrir það kalli fjölgunin á kostnað. Að auki veltir hann því upp hvort endurskoða þyrfti kennaranám með tilliti til þess að kennaranemar komi betur undirbúnir til kennslu. Fara þyrfti yfir kennsluskrá menntavísindasviði og gera skynsamlegar breytingar sem leiði til að kennaranemar komi úr námi með meiri hæfni til að sinna kennarastarfinu. Þetta séu ekki vandamál sem skrifist á kennara heldur sveitarfélögin, samfélagið og Háskóla Íslands. Fagnar umræðunni „Það þarf ekki langa rannsókn til að átta sig á því að við kennarar höfum lagt á það áherslu, bæði kjara- og faglega, á það að minnka kennsluskyldu. Kennsluskyldan hefur minnkað jafnt og þétt síðastliðna áratugi. Þurfum við að skammast okkar fyrir það? Svar mitt er nei en við þurfum að geta svarað fyrir það, sem er auðvelt,“ skrifar Jón Pétur. Loks segir hann áhyggjuefni fyrir samfélagið allt hve margir kennarar taki sér veikindaleyfi. Það sé greinilega eitthvað að í starfsaðstæðum þeirra og það því þurfi að taka alvarlega. „Fögnum umræðum um menntun. Nýtum okkur umræðuna, til dæmis tal um starfsaðstæður, og setjum ábyrgðina á þann stað sem hún á heima, til sveitarfélaganna,“ segir Jón Pétur að lokum. Skóla- og menntamál Sveitarstjórnarmál Kennaraverkfall 2024 Mest lesið Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Misstu allt samband við Internetið Erlent Ísraelar samþykkja friðaráætlun Trumps Erlent Tilkynnt um dróna yfir Keflavíkurflugvelli Innlent Erlendir miðlar fjalla um gjaldþrot Play Erlent Föst í Portúgal: „Siðlaust“ að fljúga vélunum út í morgun Innlent Lítur svo á að hann njóti ekki trausts og hefur beðist lausnar Innlent Þriggja ára fangelsi: Tók ekki mark á lygilegri frásögn Innlent Bílstjórinn þrettán ára Innlent Fleiri fréttir Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Sjá meira
Jón Pétur Zimsen aðstoðarskólastjóri Réttarholtsskóla hefur lagt orð í belg í tengslum við umræðuna um grunnskólamálin. Kennarasamband Íslands boðar verkföll í næsta mánuði á meðan Viðskiptaráð telur rekstur menntakerfisins í ólagi og aukið fjármagn ekki lausn á vandanum. Formaður kennarafélags Mosfellsbæjar, Seltjarnarness og Kópavogs sagði í samtali við fréttastofu að henni sárni málflutningur síðustu daga og umræða um úttektir Viðskiptaráðs og sveitarfélaganna. Kennarar upplifi að verið sé að tala starf þeirra ítrekað niður. „Hvers vegna erum við kennarar viðkvæmir fyrir umfjöllun Viðskiptaráðs og Morgunblaðsins um menntamál? Það er ekki kennurum að kenna hvernig staðan er. Þessir aðilar eru að minnsta kosti tilbúnir að setja menntamál á dagskrá, finnst þau það mikilvæg að vert sé að ræða þessi mikilvægu mál. Viljum við frekar þögnina?“ spyr Jón Pétur í umræðuhópnum Skólaþróunarspjallinu á Facebook. Færslan hefur vakið athygli meðlima. Vandinn ekki kennurum að kenna Hann segir menntamál ekki einkamál skólanna og að sú gagnrýni sem komið hefur á menntakerfið undanfarið beinist að mestu leyti að sveitarfélögunum og öðrum þeim sem stjórna menntamálunum, en ekki kennurum. „Við ættum að stjórna umræðunni meira og koma okkur úr hlutverki fórnarlamba, við vinnum að menntun æskunnar, eitt af mikilvægustu störfum samfélagsins,“ skrifar Jón Pétur. „Hvers vegna er erfitt að ræða málin opinskátt ? Menntakerfið okkar er ekki fullkomið, það er EKKI okkur kennurum að kenna, við þurfum ekki að fara í vörn.“ Björn Brynjúlfur Björnsson framkvæmdastjóri viðskiptaráðs vakti athygli á því í Kvöldfréttum í gær að hvergi á Norðurlöndum eru jafn fáir nemendur á hvern grunnskólakennara. Þá fari mikið fjármagn inn í kerfið, en skili ekki nægilegum afrakstri. Jón Pétur spyr í færslunni hvort ekki sé hægt að svara fyrir þetta. Hann bendir á að Ísland sé strjálbýlt og því hlutfallslega margir skólar hérlendis með fáa nemendur, og því fylgi mikill kostnaður. Það sama sé hægt að segja um vegakerfið, það sé dýrt vegna strjálbýlis og fámennis. Ýmislegt sem skýri kostnaðinn „Um 30% nemenda þiggja sérkennslu, um 25% meira en það ætti að vera vegna þess að við notum ekki árangursmestu kennsluaðferðir hvað grunnnám varðar. Mikill kostnaður,“ skrifar Jón Pétur jafnframt. Hann bendir einnig á að foreldrar á Íslandi vinni einna mest innan OECD og séu því minna með börnum sínum en foreldrar í samanburðarlöndum. „Börn eru ekki dauðir hlutir þau þurfa leiðsögn og þjálfun í félagsfærni sem er lærð hegðun sem lærist illa við skjái, kostnaður.“ Þá hafi börnum af erlendu bergi fjölgað mikið og kerfið sinni þeim ekki nógu vel. Þrátt fyrir það kalli fjölgunin á kostnað. Að auki veltir hann því upp hvort endurskoða þyrfti kennaranám með tilliti til þess að kennaranemar komi betur undirbúnir til kennslu. Fara þyrfti yfir kennsluskrá menntavísindasviði og gera skynsamlegar breytingar sem leiði til að kennaranemar komi úr námi með meiri hæfni til að sinna kennarastarfinu. Þetta séu ekki vandamál sem skrifist á kennara heldur sveitarfélögin, samfélagið og Háskóla Íslands. Fagnar umræðunni „Það þarf ekki langa rannsókn til að átta sig á því að við kennarar höfum lagt á það áherslu, bæði kjara- og faglega, á það að minnka kennsluskyldu. Kennsluskyldan hefur minnkað jafnt og þétt síðastliðna áratugi. Þurfum við að skammast okkar fyrir það? Svar mitt er nei en við þurfum að geta svarað fyrir það, sem er auðvelt,“ skrifar Jón Pétur. Loks segir hann áhyggjuefni fyrir samfélagið allt hve margir kennarar taki sér veikindaleyfi. Það sé greinilega eitthvað að í starfsaðstæðum þeirra og það því þurfi að taka alvarlega. „Fögnum umræðum um menntun. Nýtum okkur umræðuna, til dæmis tal um starfsaðstæður, og setjum ábyrgðina á þann stað sem hún á heima, til sveitarfélaganna,“ segir Jón Pétur að lokum.
Skóla- og menntamál Sveitarstjórnarmál Kennaraverkfall 2024 Mest lesið Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Misstu allt samband við Internetið Erlent Ísraelar samþykkja friðaráætlun Trumps Erlent Tilkynnt um dróna yfir Keflavíkurflugvelli Innlent Erlendir miðlar fjalla um gjaldþrot Play Erlent Föst í Portúgal: „Siðlaust“ að fljúga vélunum út í morgun Innlent Lítur svo á að hann njóti ekki trausts og hefur beðist lausnar Innlent Þriggja ára fangelsi: Tók ekki mark á lygilegri frásögn Innlent Bílstjórinn þrettán ára Innlent Fleiri fréttir Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Sjá meira