Innlent

Ísstífla hrannast upp í Ölfus­á

Magnús Jochum Pálsson skrifar
Yfirborð Ölfusár er þakið ís sem er farinn að hrannast upp og hefur myndað ísstíflu.
Yfirborð Ölfusár er þakið ís sem er farinn að hrannast upp og hefur myndað ísstíflu. ENSu

Ís er farinn að hrannast upp aftur í farvegi Ölfusár neðan og við Selfoss. Vegna stíflunnar er vatnshæð árinnar komin upp í fjóra metra og hefur ekki verið hærri síðan árið 2020.

Þetta kemur fram í Facebook-færslu Eldfjalla- og náttúruvárhóps Suðurlands

Þar segir að yfirborð árinnar sé nær fullt af ís sem nær upp fyrir Ölfusárbrúnna. Drónamyndir sem teknar voru um 18 síðdegis sýna það.

Ísinn er ansi tilkomumikill.ENSu

Þá segir að vatnshæð við vatnshæðamælinn (V64) sé komin upp í fjóra metra og hefur hún ekki verið hærri síðan árið 2020.

Eldfjalla- og náttúruvárhópur Suðurlands er á vettvangi og fylgist grannt með gangi mála.

Árborg Veður

Mest lesið


Fleiri fréttir

Sjá meira


×

Mest lesið