„Ég hrundi“

Guðbjörg Thoroddsen leikkona, kennari og fyrirlesari hefur verið að kenna þessa aðferð sem byggir á tilfinningavinnu og meðvitaðri öndun.

Kennd er leið til að komast heil frá áfalli og álagi og nú hefur hún skrifað bók um þessar aðferðir.

Vala Matt fór fyrir Ísland í dag og kynnti sér þessa spennandi sjálfstyrkingu í síðustu viku.

„Ég hef verið í þessari vinnu í 25 eða 30 ár. Ætli lífið hafi ekki bara leitt mig á þessa braut. Ég vildi alltaf verða leikari, sálfræðingur, bókmenntafræðingur og það sem þetta á allt sameiginlegt er að þarna er verið að skoða fólk,“ segir Guðbjörg sem er alltaf kölluð Bauja.

„Ég ákvað að fara í leiklistina því þar er maður einnig að fljúga í listinni.“

Ekki til neitt íslenskt orð yfir þetta

Áföll í hennar lífið leiddu hana að þessari vinnu, sem hún kallar í dag Baujan.

„Ég verð fyrir því að ég hrundi, kulnun en þá var ekki til neitt íslenskt orð yfir það. Og þegar ég byrjaði á Baujunni þá skildi fólk ekkert hvað ég var að tala um. Sumir urðu bara pirraðir út í mig og fannst ég vera bara í einhverju bulli. Ég hrundi og þurfti að byggja mig upp því að leikari þarf á svo mikililli orku að halda.“

Hún býr út í sveit og segir Bauja að það séu kjöraðstæður til að leiðrétta sig.

„Ég byggði mig upp skref fyrir skref. Viðveran hérna í skóginum gerði mikið fyrir mig. Þetta var vissulega mikil sjálfsskoðun. Ég var að vinna þarna á Stuðlum og prófaði að nota það sem ég notaði á sjálfan mig þar og það svínvirkaði. Þetta var árið 2000. Stóri lykillinn í Baujunni er öndun, meðvituð öndun í tengslum við tilfinningavinnu. Það verður að vera þessi tilfinning, að vinna til að geta unnið úr áföllum,“ segir Bauja en hér að neðan má sjá innslagið í heild sinni þar sem farið er yfir þessa sjálfstyrkingaraðferð betur.