Sport

Broncos slátraði meisturunum og komst á­fram

Henry Birgir Gunnarsson skrifar
Bo Nix, leikstjórnandi Broncos, fagnar eftir leik. Hann hefur slegið í gegn í vetur.
Bo Nix, leikstjórnandi Broncos, fagnar eftir leik. Hann hefur slegið í gegn í vetur. vísir/getty

Lokaumferðin í NFL-deildinni fór fram um helgina og nú liggur fyrir hvaða lið komust í úrslitakeppnina.

Denver Broncos tók síðasta sætið í úrslitakeppninni í gærkvöldi. Sæti sem Cincinnati Bengals dreymdi um en náði ekki. Bengals kláraði sinn leik og þurfti töp frá Broncos og Dolphins til þess að komast áfram. Dolphins tapaði en Broncos valtaði yfir meistara Kansas City Chiefs.

Fyrir því var reyndar góð ástæða enda hvíldu meistararnir nánast allar stjörnur liðsins enda skipti leikurinn engu máli fyrir Chiefs. Frábær árangur hjá Broncos að komast í úrslitakeppnina með nýliðaleikstjórnandanum Bo Nix.

Svo var barátta á milli Tampa Bay Buccaneers og Atlanta Falcons um sæti í úrslitakeppninni. Buccaneers kláraði sitt verkefni á meðan Falcons tapaði fyrir Panthers. Mikið vonbrigðatímabil hjá Falcons.

Úrslit:

Baltimore-Cleveland 35-10

Pittsburgh-Cincinnati 17-19

Atlanta-Carolina 38-44

Dallas-Washington 19-23

Green Bay-Chicago 22-24

Indianapolis-Jacksonville 26-23

New England-Buffalo 23-16

Philadelphia-NY Giants 20-13

Tampa Bay-New Orleans 27-19

Tennessee-Houston 14-23

Arizona-San Francisco 47-24

Denver-Kansas City 38-0

LA Rams-Seattle 25-30

Las Vegas-LA Chargers 20-34

NY Jets-Miami 32-20

Detroit-Minnesota 31-9

Þessi lið mætast í úrslitakeppninni:

Houston Texans - LA Chargers

Baltimore Ravens - Pittsburgh Steelers

Buffalo Bills - Denver Broncos

Philadelphia Eagles - Green Bay Packers

Tampa Bay Buccaneers - Washington Commanders

LA Rams - Minnesota Vikings

Allir leikirnir í úrslitakeppninni verða í beinni útsendingu á Stöð 2 Sport.

NFL

Mest lesið


Fleiri fréttir

Sjá meira


×

Mest lesið