„Græna gímaldið“ minni helst á braggamálið og ábyrgðin liggi hjá borgarstjóra Elín Margrét Böðvarsdóttir skrifar 7. janúar 2025 08:49 Hildur Björnsdóttir telur málið vera stjórnsýsluklúður frá a til ö. Vísir Hildur Björnsdóttir, oddviti Sjálfstæðisflokksins í Reykjavík, telur ljóst að borgarstjóri beri mikla ábyrgð vegna „græna gímaldsins“ við Álfabakka í Breiðholti. Ábyrgðin liggi mjög skýrt hjá borgarstjóra þar sem ákvarðanir um verkefnið hafi verið teknar á skrifstofu borgarstjóra þar sem hann er framkvæmdastjóri. Málið minni um margt á braggamálið en kunni að reynast borginni mun kostnaðarsamara ef til þess kemur að byggingin verði færð. „Þetta er eitthvað stærsta klúður sem við höfum verið að fást við,“ sagði Hildur í Bítinu á Bylgjunni í morgun. Mikið hefur verið rætt og ritað um byggingu stórrar vöruskemmu við Álfabakka 2 sem liggur afar nálægt fjölbýlishúsi við Árskóga og skyggir verulega á íbúðir. Málið verður fyrsta mál á dagskrá borgarstjórnarfundar í hádeginu í dag en Sjálfstæðismenn í borginni hyggjast þar leggja fram tillögu um að innri endurskoðun taki stjórnsýslu málsins til rannsóknar. Hildur segist heyra ríka kröfu íbúa í Árskógum, og líka íbúum í Breiðholti almennt, um að skemman verði rifin. „Þeim er bara mjög misboðið yfir þessu máli og þessari furðulegu atburðarás og ég get að mörgu leyti tekið undir þær tilfinningar, að maður sé verulega ósáttur við vinnubrögðin í þessu máli. Vegna þess að ég sem kjörinn fulltrúi, sitjandi í skipulagsráði, fékk ekki tækifæri til að átta mig á því hvers konar uppbygging væri að fara að eiga sér þarna stað og taka afstöðu til hennar,“ segir Hildur. Málið sé agalegt frá a-ö. „Þetta er auðvitað fyrst og fremst alvega agalegt fyrir íbúana sem eru með þetta græna gímald fyrir augunum á hverjum degi á heimili sínu.“ Hildur var spurð hvort það væri raunhæft að láta rífa húsið, án afleiðinga. „Það myndi hafa auðvitað verulegann kostnað í för með sér fyrir borgina, ég myndi telja að borgin yrði bótaskyld gagnvart þeim aðila sem byggði þetta hús og á það,“ svaraði Hildur. Húsið er í fjórtán metra fjarlægð frá fjölbýlishúsinu við Árskóga. Á móti fjölbýlishúsinu er aðeins grænn veggur sem íbúar horfa á og eru ósáttir við. Þá skyggir húsið einnig á fjölbýlishúsið.Vísir/Vilhelm Lögmaður sem gætir hagsmuna Búseta segir í samtali við Morgunblaðið í dag að leiða megi rök að annmarkarnir hafi verið við veitingu byggingarleyfis sem geri það að verkum að borginni sé heimilt að afturkalla leyfið á grundvelli stjórnsýslulaga. Hildur segist ekki geta séð annað en að ábyrgðin sé alltaf hjá borginni sem ber að fara yfir gögn og veita leyfið. „Ég tek undir að það er erfitt að sjá að starfsemin sem á að fara fram í húsinu rúmist innan skipulags,“ segir Hildur. Alltaf kostnaðarsamt fyrir borgina óháð niðurstöðu Það hafi verið vendipunktur í málinu þegar lóðinni var úthlutað sumarið 2023. „Þá kemur mjög skýrt fram að þetta sé verslunar og þjónustulóð. Það var ekki hægt að upplýsa okkur í borgarráði um það hvaða starfsemi myndi fara þarna fram, það var ennþá trúnaður um það. Núna sjáum við að þarna á að vera kjötvinnsla og ég hef velt því upp hvort að starfsemi af þeim toga eigi ekki miklu frekar heima á athafnasvæði, til dæmis við höfn eða eitthvað slíkt,“ segir Hildur. Hildur Björnsdóttir er oddviti Sjálfstæðisflokksins í Reykjavík.Vísir/Arnar Það eigi að hennar mati ekki aðeins við um kjötvinnsluna heldur fyrirhugaða starfsemi húsnæðisins almennt, vöruhús og þess háttar sem tekur við vörum öllum tímum sólarhrings með tilheyrandi hávaðamengun fyrir íbúa í nágrenninu. Þá segist Hildur einnig finna til með atvinnurekendum sem margir hafi átt erfitt með að fá lóðir í Reykjavík undir sína starfsemi, en fái í þessu tilfelli á sig mjög neikvæða umræðu um sína starfsemi. Hildur segist hafa skilning á kergju íbúa og gagnrýnir málflutning meirihlutans í borginni í málinu. Það sé að hennar mati ljóst, að málið geti dregið dilk á eftir sér og reynst gríðalega kostnaðarsamt fyrir borgina. Aðspurð segir hún að það gæti jafnvel kostað einhverja milljarða ef til þess kemur að byggingin verði rifin eða færð annað, enda sjái hún ekki annað en að borgin muni þurfa að standa straum af öllum tilheyrandi kostnaði við það. Vöruskemman hefur stundum verið kölluð græna gímaldiðVísir/Vilhelm „Sama hver lausnin verður að þá hefur hún alltaf einhvern kostnað í för með sér fyrir borgina,“ segir Hildur. „Sérkennileg stjórnsýsla“ á skrifstofu borgarstjóra „Það sérkennilega við þetta mál er nefnilega það að þegar lóðinni er úthlutað þarna sumarið 2023 þá er ákveðinn vendipunktur í málinu vegna þess að í framhaldinu fáum við í skipulagsráði engar upplýsingar um framgang málsins. Það sem gerist er að skrifstofa borgarstjóra tekur málið yfir. Það er óvenjulegt,“ segir Hildur. Teikningarnar hafi komið inn á skrifstofu borgarstjóra þar sem starfrækt sé Athafnaborgin svokallaða, þar sem lóðum er úthlutað og atvinnuuppbygging oft skipulögð á þeim vettvangi. Það sé síðan byggingarfulltrúi sem veitir leyfið sem slíkt. Hildur segist hafa fengið upplýsingar um að samskipti hafi verið við skrifstofu borgarstjóra og upplýsingar veittar þangað um hvernig þetta myndi liggja. Dagur B. Eggertsson var borgarstjóri í Reykjavík þar til í janúar 2024 þegar Einar Þorsteinsson tók við embættinu.Vísir/Vilhelm „Okkur finnst þetta auðvitað mjög sérkennileg stjórnsýsla,“ segir Hildur. Af þessum sökum telur Hildur borgarstjóra bera ákveðna ábyrgð í málinu. „Mér hefði þótt eðlilegt að borgarstjóri hefði bara mætt í kaffi til þessara íbúa og borið þetta allt saman augum sjálfur. Og mér hefur fundist ákveðin hortugheit í þessu máli og mörgum öðrum sem koma upp gagnvart íbúum. Það gerist oft hjá fólki sem hefur verið við völd mjög lengi, að það fjarlægir sig fólkinu,“ segir Hildur. Hún sé hissa að nýr borgarstjóri, Einar Þorsteinsson, hafi ekki „tæklað þetta mál öðruvísi.“ Bæði Einar Þorsteinsson borgarstjóri og Dóra Björt Guðjónsdóttir, formaður skipulagsráðs, hafa sagt málið hafa komið þeim nokkuð í opna skjöldu og þau hafi ekki áttað sig á hvernig byggingin myndi líta út. Dóra Björt þáði ekki boð um að koma í viðtal um málið á Bítinu í morgun. Málið verður til umræðu á fundi borgarstjórnar í hádeginu í dag. Þar muni borgarstjórnarflokkur Sjálfstæðisflokksins leggja fram tillögu um að innri endurskoðun borgarinnar fari ofan í saumana á málinu og geri stjórnsýsluúttekt á málinu. „Það þarf auðvitað að skoða þetta af því þetta má ekki endurtaka sig,“ segir Hildur. Borgarstjórn Stjórnsýsla Reykjavík Skipulag Vöruskemma við Álfabakka Sjálfstæðisflokkurinn Bítið Mest lesið Rekinn eftir tvo mánuði hjá skattinum og samdægurs tilnefndur sendiherra á Íslandi Erlent Aserar og Armenar skrefi nær friði eftir sögulegan fund í Hvíta húsinu Erlent Lést eftir skyndileg veikindi við klettastökk Innlent Segjast ekkert hafa vitað um hætturnar í Reynisfjöru Innlent Samdráttur og vítahringur í boði stjórnvalda Innlent Geimfari Apollo 13 látinn Erlent Flokkarnir dæla milljónum í áróður á Meta Innlent Féll fjóra metra í vinnuslysi í Kópavogi Innlent Amma ræsti neyðarhnapp við enn eina árás dóttur sinnar Innlent Trump og Pútín funda í Alaska næsta föstudag Erlent Fleiri fréttir Samdráttur og vítahringur í boði stjórnvalda Ekki stafi lengur tilvistarógn af Hamasliðum Lést eftir skyndileg veikindi við klettastökk Segjast ekkert hafa vitað um hætturnar í Reynisfjöru Féll fjóra metra í vinnuslysi í Kópavogi Ómeðvitaðir ferðamenn í Reynisfjöru, síbökuð hjón og tölvuspil fram á nótt Enginn árangur af „veiða og sleppa“ aðferðinni Flokkarnir dæla milljónum í áróður á Meta Hræðast að fleiri en einn fari í sjóinn Átökin „hvorki vegna né þrátt fyrir“ áfengissöluna Heitavatnslaust í Laugardal Lést við flúðasiglingar í Vestari-Jökulsá Langflestir telja sig búa á góðum stað fyrir samkynhneigða Áttu ekki von á neinu veseni og viðbúnaður eftir því Amma ræsti neyðarhnapp við enn eina árás dóttur sinnar Maður féll í Vestari-Jökulsá Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Sjá meira
„Þetta er eitthvað stærsta klúður sem við höfum verið að fást við,“ sagði Hildur í Bítinu á Bylgjunni í morgun. Mikið hefur verið rætt og ritað um byggingu stórrar vöruskemmu við Álfabakka 2 sem liggur afar nálægt fjölbýlishúsi við Árskóga og skyggir verulega á íbúðir. Málið verður fyrsta mál á dagskrá borgarstjórnarfundar í hádeginu í dag en Sjálfstæðismenn í borginni hyggjast þar leggja fram tillögu um að innri endurskoðun taki stjórnsýslu málsins til rannsóknar. Hildur segist heyra ríka kröfu íbúa í Árskógum, og líka íbúum í Breiðholti almennt, um að skemman verði rifin. „Þeim er bara mjög misboðið yfir þessu máli og þessari furðulegu atburðarás og ég get að mörgu leyti tekið undir þær tilfinningar, að maður sé verulega ósáttur við vinnubrögðin í þessu máli. Vegna þess að ég sem kjörinn fulltrúi, sitjandi í skipulagsráði, fékk ekki tækifæri til að átta mig á því hvers konar uppbygging væri að fara að eiga sér þarna stað og taka afstöðu til hennar,“ segir Hildur. Málið sé agalegt frá a-ö. „Þetta er auðvitað fyrst og fremst alvega agalegt fyrir íbúana sem eru með þetta græna gímald fyrir augunum á hverjum degi á heimili sínu.“ Hildur var spurð hvort það væri raunhæft að láta rífa húsið, án afleiðinga. „Það myndi hafa auðvitað verulegann kostnað í för með sér fyrir borgina, ég myndi telja að borgin yrði bótaskyld gagnvart þeim aðila sem byggði þetta hús og á það,“ svaraði Hildur. Húsið er í fjórtán metra fjarlægð frá fjölbýlishúsinu við Árskóga. Á móti fjölbýlishúsinu er aðeins grænn veggur sem íbúar horfa á og eru ósáttir við. Þá skyggir húsið einnig á fjölbýlishúsið.Vísir/Vilhelm Lögmaður sem gætir hagsmuna Búseta segir í samtali við Morgunblaðið í dag að leiða megi rök að annmarkarnir hafi verið við veitingu byggingarleyfis sem geri það að verkum að borginni sé heimilt að afturkalla leyfið á grundvelli stjórnsýslulaga. Hildur segist ekki geta séð annað en að ábyrgðin sé alltaf hjá borginni sem ber að fara yfir gögn og veita leyfið. „Ég tek undir að það er erfitt að sjá að starfsemin sem á að fara fram í húsinu rúmist innan skipulags,“ segir Hildur. Alltaf kostnaðarsamt fyrir borgina óháð niðurstöðu Það hafi verið vendipunktur í málinu þegar lóðinni var úthlutað sumarið 2023. „Þá kemur mjög skýrt fram að þetta sé verslunar og þjónustulóð. Það var ekki hægt að upplýsa okkur í borgarráði um það hvaða starfsemi myndi fara þarna fram, það var ennþá trúnaður um það. Núna sjáum við að þarna á að vera kjötvinnsla og ég hef velt því upp hvort að starfsemi af þeim toga eigi ekki miklu frekar heima á athafnasvæði, til dæmis við höfn eða eitthvað slíkt,“ segir Hildur. Hildur Björnsdóttir er oddviti Sjálfstæðisflokksins í Reykjavík.Vísir/Arnar Það eigi að hennar mati ekki aðeins við um kjötvinnsluna heldur fyrirhugaða starfsemi húsnæðisins almennt, vöruhús og þess háttar sem tekur við vörum öllum tímum sólarhrings með tilheyrandi hávaðamengun fyrir íbúa í nágrenninu. Þá segist Hildur einnig finna til með atvinnurekendum sem margir hafi átt erfitt með að fá lóðir í Reykjavík undir sína starfsemi, en fái í þessu tilfelli á sig mjög neikvæða umræðu um sína starfsemi. Hildur segist hafa skilning á kergju íbúa og gagnrýnir málflutning meirihlutans í borginni í málinu. Það sé að hennar mati ljóst, að málið geti dregið dilk á eftir sér og reynst gríðalega kostnaðarsamt fyrir borgina. Aðspurð segir hún að það gæti jafnvel kostað einhverja milljarða ef til þess kemur að byggingin verði rifin eða færð annað, enda sjái hún ekki annað en að borgin muni þurfa að standa straum af öllum tilheyrandi kostnaði við það. Vöruskemman hefur stundum verið kölluð græna gímaldiðVísir/Vilhelm „Sama hver lausnin verður að þá hefur hún alltaf einhvern kostnað í för með sér fyrir borgina,“ segir Hildur. „Sérkennileg stjórnsýsla“ á skrifstofu borgarstjóra „Það sérkennilega við þetta mál er nefnilega það að þegar lóðinni er úthlutað þarna sumarið 2023 þá er ákveðinn vendipunktur í málinu vegna þess að í framhaldinu fáum við í skipulagsráði engar upplýsingar um framgang málsins. Það sem gerist er að skrifstofa borgarstjóra tekur málið yfir. Það er óvenjulegt,“ segir Hildur. Teikningarnar hafi komið inn á skrifstofu borgarstjóra þar sem starfrækt sé Athafnaborgin svokallaða, þar sem lóðum er úthlutað og atvinnuuppbygging oft skipulögð á þeim vettvangi. Það sé síðan byggingarfulltrúi sem veitir leyfið sem slíkt. Hildur segist hafa fengið upplýsingar um að samskipti hafi verið við skrifstofu borgarstjóra og upplýsingar veittar þangað um hvernig þetta myndi liggja. Dagur B. Eggertsson var borgarstjóri í Reykjavík þar til í janúar 2024 þegar Einar Þorsteinsson tók við embættinu.Vísir/Vilhelm „Okkur finnst þetta auðvitað mjög sérkennileg stjórnsýsla,“ segir Hildur. Af þessum sökum telur Hildur borgarstjóra bera ákveðna ábyrgð í málinu. „Mér hefði þótt eðlilegt að borgarstjóri hefði bara mætt í kaffi til þessara íbúa og borið þetta allt saman augum sjálfur. Og mér hefur fundist ákveðin hortugheit í þessu máli og mörgum öðrum sem koma upp gagnvart íbúum. Það gerist oft hjá fólki sem hefur verið við völd mjög lengi, að það fjarlægir sig fólkinu,“ segir Hildur. Hún sé hissa að nýr borgarstjóri, Einar Þorsteinsson, hafi ekki „tæklað þetta mál öðruvísi.“ Bæði Einar Þorsteinsson borgarstjóri og Dóra Björt Guðjónsdóttir, formaður skipulagsráðs, hafa sagt málið hafa komið þeim nokkuð í opna skjöldu og þau hafi ekki áttað sig á hvernig byggingin myndi líta út. Dóra Björt þáði ekki boð um að koma í viðtal um málið á Bítinu í morgun. Málið verður til umræðu á fundi borgarstjórnar í hádeginu í dag. Þar muni borgarstjórnarflokkur Sjálfstæðisflokksins leggja fram tillögu um að innri endurskoðun borgarinnar fari ofan í saumana á málinu og geri stjórnsýsluúttekt á málinu. „Það þarf auðvitað að skoða þetta af því þetta má ekki endurtaka sig,“ segir Hildur.
Borgarstjórn Stjórnsýsla Reykjavík Skipulag Vöruskemma við Álfabakka Sjálfstæðisflokkurinn Bítið Mest lesið Rekinn eftir tvo mánuði hjá skattinum og samdægurs tilnefndur sendiherra á Íslandi Erlent Aserar og Armenar skrefi nær friði eftir sögulegan fund í Hvíta húsinu Erlent Lést eftir skyndileg veikindi við klettastökk Innlent Segjast ekkert hafa vitað um hætturnar í Reynisfjöru Innlent Samdráttur og vítahringur í boði stjórnvalda Innlent Geimfari Apollo 13 látinn Erlent Flokkarnir dæla milljónum í áróður á Meta Innlent Féll fjóra metra í vinnuslysi í Kópavogi Innlent Amma ræsti neyðarhnapp við enn eina árás dóttur sinnar Innlent Trump og Pútín funda í Alaska næsta föstudag Erlent Fleiri fréttir Samdráttur og vítahringur í boði stjórnvalda Ekki stafi lengur tilvistarógn af Hamasliðum Lést eftir skyndileg veikindi við klettastökk Segjast ekkert hafa vitað um hætturnar í Reynisfjöru Féll fjóra metra í vinnuslysi í Kópavogi Ómeðvitaðir ferðamenn í Reynisfjöru, síbökuð hjón og tölvuspil fram á nótt Enginn árangur af „veiða og sleppa“ aðferðinni Flokkarnir dæla milljónum í áróður á Meta Hræðast að fleiri en einn fari í sjóinn Átökin „hvorki vegna né þrátt fyrir“ áfengissöluna Heitavatnslaust í Laugardal Lést við flúðasiglingar í Vestari-Jökulsá Langflestir telja sig búa á góðum stað fyrir samkynhneigða Áttu ekki von á neinu veseni og viðbúnaður eftir því Amma ræsti neyðarhnapp við enn eina árás dóttur sinnar Maður féll í Vestari-Jökulsá Fangar í einangrun vegna sama máls noti ekki sama útisvæði Hundarnir þegar aflífaðir en ákvörðun um lógun ólögmæt Samskipti fanga í einangrun, tapsárir Danir og drottning Gleðigöngunnar Allir fundir við ESB „fyrst og fremst“ hagsmunagæsla Telja að lífvörður myndi aðeins gera ferðamenn kærulausari Esjan snjólaus og það óvenju snemma Íslendingurinn í Grikklandi laus úr haldi Dvalarleyfi langtum dýrara í hinum Norðurlöndunum Lögreglurannsókn á banaslysi í Brúará „svo til“ lokið Nauðsynlegt að fólk fái úrræði til að vernda sig frá djúpfölsunum Enginn handtekinn eftir hópslagsmálin Skjálfti fannst á höfuðborgarsvæðinu Finna áhugann dvína á meðan vinir berjast og deyja á vígvellinum „Það fer enginn lífvörður út í“ Sjá meira