„Ef ég fæ þig ekki fær þig enginn því sver ég eið“ Árni Sæberg skrifar 10. janúar 2025 14:17 Dómurinn var kveðinn upp í Héraðsdómi Austurlands í gær. Vísir/Jóhann K Karlmaður hefur verið dæmdur til níu mánaða skilorðsbundinnar fangelsisvistar fyrir fjölda brota í nánu sambandi með því að hafa á endurtekið og á alvarlegan hátt ógnað lífi, heilsu og velferð fyrrverandi sambúðarkonu sinnar. Hann hótaði meðal annars að myrða foreldra konunnar og dreifa nektarmyndum af henni. Í dómi Héraðsdóms Austurlands, sem kveðinn var upp í gær, segir að maðurinn hafi verið ákærður fyrir að hafa í mars árið 2023 haldið konunni nauðugri í húsi frá hádegi og fram að kvöldmatarleyti, tekið af henni tölvu og farsíma, hótað því að taka eigið líf, og varnað henni útgöngu með ógnandi framkomu og ofbeldi. Hann hafi tekið konuna hálstaki aftan frá og þrýsti að hálsi hennar þannig að hún gat ekki andað og vafið myndavélasnúru um hönd sér og hótað henni að ganga lengra en nokkru sinni fyrr. Eftir að konan komst út úr húsinu hafi hann hrint henni í jörðina og elt hana að þáverandi heimili hennar. Framangreind háttsemi hafi verið til þess fallin að valda konunni hræðslu, kvíða og ótta um líf sitt, heilsu og velferð. Hótaði öllu illu Maðurinn hafi einnig verið ákærður fyrir brot í nánu sambandi og brot gegn kynferðislegri friðhelgi, en til vara umsáturseinelti, með því að hafa endurtekið og á alvarlegan hátt á tímabilinu mars 2023 til júní 2023, ógnað lífi, heilsu og velferð konunnar með því að hafa ítrekað sett sig í samband við hana, með símhringingum, sms-skilaboðum, tölvupóstsamskiptum og Messenger skilaboðum og hótað henni, auk þess að hafa mætt fyrir utan heimili hennar að minnsta kosti í eitt skipti, sem hafi allt verið til þess fallið að valda henni hræðslu, kvíða og ótta um líf, heilbrigði og velferð sína og fjölskyldu sinnar. Skilaboðin sem maðurinn sendi konunni hafi verið eftirfarandi: „mamma þín og pabbi þinn verað þá tekinn í dæmið“ „ég geri ykkur öllum eitthvað þangað til ég verð stoppaður en þá kála ég mér líka“ „þú hefur til 24 til að ganga að samningum annars byrjar jiihadið!“ „Losa dekkin á bílnum ykkar svo þið missuð þau og drepist“ „losa dett hja ykkur þannig að þið drepist ef þið farið ákveið hratt“ „brefið fer á miðnætti og ég kem svo upp í egs og leysi dekkinn“ „ef ég fæ þig ekki fær þig enginn því sver ég eið“ „ef ég fæ þig ekki færþig enginn“ „þú veist hvað ég get gert“ „fyrir utan þáe rég bara að talaum að studna lögbrot“ „hefur smá tíma“ „ÁÐUR EN ÉG KÚBEINA MIG INN TIL YKKAR OG FRELSISVIPTI YKKUR BÆÐI“ „drep svo pabba þinn“ „heim til þín“ „geri allt vitlaust“ „ég sagðist ætlað finna þig og gerði það þótt það tækilangan tíma,núna sé égþetta frekar auðvelt“ „Kúbein hnefi bensli“ „jiihad heilargstið“ „ekki láta þér bregða ef þú þið slyst“ „slasast“ „What ever dude. Getur ekki verið gott að keyra á ónýtu dekkum með lausa boltam“ „ég finn þig í fjöru þú getur hlaupið en kemst aldrei undan“ „Þetta mun hafa afleiðingar það sem þú ert að gera, you can‘t run butmyou can‘t hide“ „á mynd af þér á píkunni hun fer líka.“ Loks hafi maðurinn endurtekið hótað því að birta eða dreifa nektarmyndum af konunni og upplýsa um leyndarmál hennar eða einkahagi, með eftirfarandi skilaboðum: „sæll dúddi heyrðu mig langar að deila með þér nokkrum sögum ogmyndum af sameiginlgri vinkonu okkar henni [afmáð]...“ „ef þú blokkar þá fer þetta“ „segi honum ALLT“ „[Afmáð], rass, myndir jafnvel þín dýpstu leyndarmál“ „og ég mun ekki hætta...“ „viltu fá að lesa bréfið eða á ég barasenda það“ „Sendi myndir nar á [afmáð] líka. svo hann geti lika fróað sér yfir þeim.“ „á mynd af þér á píkunni hun fer líka.“ „...þar sem þú hefur ákveðið að fara útúr samtalinu þá skaltu vita að [afmáð] svaraði skilaboðunum, og ætlaði ég að gefa þér frest til 18 að koma með eitthvað áður en þetta fer allt í loftið, nýr frestur er til 20 „ætla svo inn í [afmáð] í nótt ganga ur skugga um hvort þú sért flutt eða ekki. vandalism. annars fer þetta allt í almennadreyfingu.“. „myndirnar fara til [afmáð] og svo hendi ég þessu á nokkara a egs.“ „byrjarurð að tala við [afmáð] njóttu dagsins.“ „sendi líka bréfið á foreldra þína. og mydnr líka“ Játaði skýlaust Í dóminum segir að maðurinn hafi játað brot sín skýlaust og ekki hafi verið tilefni til að draga játningu hans í efa. Því hafi málið verið talið sannað án frekari sönnunarfærslu. Refsing hans væri hæfilega ákveðin níu mánaða fangelsisvist en rétt þætti að fresta fullnustu hennar og skilorðsbinda til tveggja ára. Þá skuli maðurinn greiða konunni 800 þúsund krónur í miskabætur og greiða allan sakarkostnað, alls um 2,4 milljónir króna. Dómsmál Heimilisofbeldi Kynferðisofbeldi Stafrænt ofbeldi Mest lesið Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent Rannsaka stórfellda líkamsárás í Seljahverfi Innlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vegaframkvæmdir við Höfðabakka valdi bæði umferðaröngþveiti og töfum Innlent Drekinn beraði vígtennurnar Erlent Tók dóttur sína og erfingja með til Kína Erlent Þriggja mánaða bið eftir greftrun: „Þetta var óbærilegur yfirgangur“ Innlent Felldu ellefu í árás á bát meintra smyglara frá Venesúela Erlent Húðin gleymi engu og ekki hægt að taka til baka skaðann sem er skeður Innlent Fleiri fréttir Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Fækka eftirlitsaðilum verulega Sjá meira
Í dómi Héraðsdóms Austurlands, sem kveðinn var upp í gær, segir að maðurinn hafi verið ákærður fyrir að hafa í mars árið 2023 haldið konunni nauðugri í húsi frá hádegi og fram að kvöldmatarleyti, tekið af henni tölvu og farsíma, hótað því að taka eigið líf, og varnað henni útgöngu með ógnandi framkomu og ofbeldi. Hann hafi tekið konuna hálstaki aftan frá og þrýsti að hálsi hennar þannig að hún gat ekki andað og vafið myndavélasnúru um hönd sér og hótað henni að ganga lengra en nokkru sinni fyrr. Eftir að konan komst út úr húsinu hafi hann hrint henni í jörðina og elt hana að þáverandi heimili hennar. Framangreind háttsemi hafi verið til þess fallin að valda konunni hræðslu, kvíða og ótta um líf sitt, heilsu og velferð. Hótaði öllu illu Maðurinn hafi einnig verið ákærður fyrir brot í nánu sambandi og brot gegn kynferðislegri friðhelgi, en til vara umsáturseinelti, með því að hafa endurtekið og á alvarlegan hátt á tímabilinu mars 2023 til júní 2023, ógnað lífi, heilsu og velferð konunnar með því að hafa ítrekað sett sig í samband við hana, með símhringingum, sms-skilaboðum, tölvupóstsamskiptum og Messenger skilaboðum og hótað henni, auk þess að hafa mætt fyrir utan heimili hennar að minnsta kosti í eitt skipti, sem hafi allt verið til þess fallið að valda henni hræðslu, kvíða og ótta um líf, heilbrigði og velferð sína og fjölskyldu sinnar. Skilaboðin sem maðurinn sendi konunni hafi verið eftirfarandi: „mamma þín og pabbi þinn verað þá tekinn í dæmið“ „ég geri ykkur öllum eitthvað þangað til ég verð stoppaður en þá kála ég mér líka“ „þú hefur til 24 til að ganga að samningum annars byrjar jiihadið!“ „Losa dekkin á bílnum ykkar svo þið missuð þau og drepist“ „losa dett hja ykkur þannig að þið drepist ef þið farið ákveið hratt“ „brefið fer á miðnætti og ég kem svo upp í egs og leysi dekkinn“ „ef ég fæ þig ekki fær þig enginn því sver ég eið“ „ef ég fæ þig ekki færþig enginn“ „þú veist hvað ég get gert“ „fyrir utan þáe rég bara að talaum að studna lögbrot“ „hefur smá tíma“ „ÁÐUR EN ÉG KÚBEINA MIG INN TIL YKKAR OG FRELSISVIPTI YKKUR BÆÐI“ „drep svo pabba þinn“ „heim til þín“ „geri allt vitlaust“ „ég sagðist ætlað finna þig og gerði það þótt það tækilangan tíma,núna sé égþetta frekar auðvelt“ „Kúbein hnefi bensli“ „jiihad heilargstið“ „ekki láta þér bregða ef þú þið slyst“ „slasast“ „What ever dude. Getur ekki verið gott að keyra á ónýtu dekkum með lausa boltam“ „ég finn þig í fjöru þú getur hlaupið en kemst aldrei undan“ „Þetta mun hafa afleiðingar það sem þú ert að gera, you can‘t run butmyou can‘t hide“ „á mynd af þér á píkunni hun fer líka.“ Loks hafi maðurinn endurtekið hótað því að birta eða dreifa nektarmyndum af konunni og upplýsa um leyndarmál hennar eða einkahagi, með eftirfarandi skilaboðum: „sæll dúddi heyrðu mig langar að deila með þér nokkrum sögum ogmyndum af sameiginlgri vinkonu okkar henni [afmáð]...“ „ef þú blokkar þá fer þetta“ „segi honum ALLT“ „[Afmáð], rass, myndir jafnvel þín dýpstu leyndarmál“ „og ég mun ekki hætta...“ „viltu fá að lesa bréfið eða á ég barasenda það“ „Sendi myndir nar á [afmáð] líka. svo hann geti lika fróað sér yfir þeim.“ „á mynd af þér á píkunni hun fer líka.“ „...þar sem þú hefur ákveðið að fara útúr samtalinu þá skaltu vita að [afmáð] svaraði skilaboðunum, og ætlaði ég að gefa þér frest til 18 að koma með eitthvað áður en þetta fer allt í loftið, nýr frestur er til 20 „ætla svo inn í [afmáð] í nótt ganga ur skugga um hvort þú sért flutt eða ekki. vandalism. annars fer þetta allt í almennadreyfingu.“. „myndirnar fara til [afmáð] og svo hendi ég þessu á nokkara a egs.“ „byrjarurð að tala við [afmáð] njóttu dagsins.“ „sendi líka bréfið á foreldra þína. og mydnr líka“ Játaði skýlaust Í dóminum segir að maðurinn hafi játað brot sín skýlaust og ekki hafi verið tilefni til að draga játningu hans í efa. Því hafi málið verið talið sannað án frekari sönnunarfærslu. Refsing hans væri hæfilega ákveðin níu mánaða fangelsisvist en rétt þætti að fresta fullnustu hennar og skilorðsbinda til tveggja ára. Þá skuli maðurinn greiða konunni 800 þúsund krónur í miskabætur og greiða allan sakarkostnað, alls um 2,4 milljónir króna.
Dómsmál Heimilisofbeldi Kynferðisofbeldi Stafrænt ofbeldi Mest lesið Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent Rannsaka stórfellda líkamsárás í Seljahverfi Innlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vegaframkvæmdir við Höfðabakka valdi bæði umferðaröngþveiti og töfum Innlent Drekinn beraði vígtennurnar Erlent Tók dóttur sína og erfingja með til Kína Erlent Þriggja mánaða bið eftir greftrun: „Þetta var óbærilegur yfirgangur“ Innlent Felldu ellefu í árás á bát meintra smyglara frá Venesúela Erlent Húðin gleymi engu og ekki hægt að taka til baka skaðann sem er skeður Innlent Fleiri fréttir Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Fækka eftirlitsaðilum verulega Sjá meira