Halla Tómasdóttir forseti Íslands mætti í stílhreinum fatnaði á þingsetninguna í dag. Hún valdi hvítan rúllukragabol við hvítan jakka sem er algjörlega í anda Höllu og má segja að hún hafi klætt sig í stíl við snjókomuna.
Halla klæðist svörtum buxum og svörtum skóm og skartar hvítum perlueyrnalokkum við.
Jakkinn minnir sterklega á þýska gæðahönnun Gerry Weber sem sérhæfir sig meðal annars í klæðilegum jökkum. Elsta kvenfataverslun landsins Bernharð Laxdal selur merkið þó að þessi tiltekni jakki sé ekki fáanlegur þar samkvæmt vefsíðu verslunarinnar.
Hægt er að finna jakkann á netverslun Amazon á tæplega 18 þúsund íslenskar krónur.
Á hverju hausti mæta þingmenn landsins í sínu fínasta pússi til þingsetningar og var dagurinn í dag engin undantekning þar á. Tískuunnendur bíða gjarnan spenntir eftir því að sjá hvaða klæðnað embættismenn velja fyrir tilefnið.
Þingmenn mættu prúðbúnir til þingsetningar í dag þegar Guðni Th. Jóhannesson forseti setti Alþingi. Ljósmyndari á vegum Vísis var á staðnum og myndaði þingmenn.
