Freyr vill Höskuld en Blikar sögðu nei

433.is greinir frá því að ekki verði af skiptunum þar sem samningaviðræður milli félaganna hafi siglt í strand. Blikar hafi viljað of háa fjárhæð fyrir Höskuld.

Fótbolti.net segir muna um fimm milljónum á verðmati félaganna. Brann hafi boðið 25 milljónir króna í Höskuld en Blikar vilji 30 milljónir.

Höskuldur lyfti Íslandsmeistaratitlinum sem fyrirliði Blika í haust og hefur leikið allan sinn feril með Kópavogsliðinu, að undanskildri skammvinni dvöl hjá Halmstad í Svíþjóð árin 2017 til 2019.

Freyr tók við Brann í Noregi í vetur eftir að hafa farið frá Kortrijk í Belgíu. Brann lenti í öðru sæti norsku deildarinnar á síðustu leiktíð.

Freyr hefur þegar fengið einn Íslending til liðs við norska félagið en Eggert Aron Guðmundsson gekk í raðir félagsins frá Elfsborg á dögunum.

Keppni í norsku deildinni hefst 29. mars næst komandi.