Innlent

Eldur kviknaði út frá inn­taki í ál­verinu

Magnús Jochum Pálsson skrifar
Eldur kviknaði í álveri Norðuráls á Grundartanga.
Eldur kviknaði í álveri Norðuráls á Grundartanga. Landsvirkjun

Eldur kviknaði í olíu í rafmagnsinntaki í álveri Norðuráls á Grundartanga. Rýma þurfti kerskála álversins og kalla slökkvilið á vettvang. Eldurinn var lítill og urðu engin slys á fólki. Verið að keyra álverið aftur upp í fullan styrk en það varð alveg rafmagnslaust.

Auk slökkviliðs voru lög­regla og sjúkra­flutn­inga­menn kölluð á vettvang. 

Sólveig Bergmann, talsmaður Norðuráls, segir tengiinntak, sem tekur við 220 kílóvolta spennu, inn í aðveitustöð álversins hafa gefið sig. Út frá því hafi kviknað eldur í olíu inni í inntakinu. „Ekki mikill en þú vilt ekki hafa eld í álveri,“ segir Sólveig.

Kerskálarnir hafi í kjölfarið verið rýmdir og slökkviliðið kallað á vettvang. Inni í kerskálunum fer fram rafgreining og þar verður álið til.

Álverið varð þá alveg rafmagnslaust. „Síðan fengum við svokallað húsarafmagn og höfum verið að keyra kerlínuna hægt og rólega upp aftur. Það er ekki svona „on-and-off-takki“ í álverum. Þetta er ferli sem gerist hægt og er í samvinnu við Landsnet,“ segir hún.

Sólveig segir ekki algengt að svona inntök gefi sig með þessum hætti.

Slökkvilið Stóriðja Hvalfjarðarsveit Rafmagn

Tengdar fréttir

Rafmagnið sló út víða um land

Rafmagnslaust var á Vestfjörðum og hluta Austfjarða um skamma stund vegna bilunar í dreifikerfi Landsnets. Búið er að gera við bilunina og rafmagn víða komið aftur á.

Mest lesið


Fleiri fréttir

Sjá meira


×

Mest lesið