Jennifer Lawrence orðin tveggja barna móðir

Í október í fyrra tilkynnti Lawrence í færslu á Instagram að þau ættu von á sínu öðru barni saman. Fyrir eiga hjónin einn dreng, Cy, sem er þriggja ára. 

Samkvæmt tímaritinu People sást til hjónanna á göngu um götur New York borgar þann 31. mars síðastliðinn þar sem var ljóst að barnið væri komið í heiminn. People náði ekki tali af heimildamanni fjölskyldunnar.

Lawrence hefur reynt að halda einkalífi sínu fjarri fjölmiðlum og verið mjög varfærin í því sem hún deilir með almenningi. Hún sagði meðal annars í viðtali við tímaritið Vanity Fair árið 2022, þegar hún gekk með frumburðinn, að hún vildi verna einkalíf barnsins. 

„Hvert einasta innsæi í líkamanum mínum vill vernda einkalíf barnsins það sem eftir er lífs þeirra, eins mikið og ég get. Ég vil ekki að neinum finnist hann velkominn í tilveru barnsins. Ég finn að það byrjar með því að ég haldi því fyrir utan þennan part af starfinu mínu,“ sagði Lawrence meðal annars í viðtalinu.

Lawrence og Maroney byrjuðu saman árið 2018 og giftu sig við litla athöfn árið 2019.