Vilja komast í mjúkinn hjá Bandaríkjaforseta með að gefa honum stórmót Kjartan Kjartansson skrifar 29. apríl 2025 10:33 Tom Watson undirbýr pútt á Opna mótinu á Turnberry-vellinum í Skotlandi árið 2009, síðast þegar mótið var haldið þar. Bresk stjórnvöld sjá sér hag í að koma mótinu aftur þangað til þess að þóknast sitjandi Bandaríkjaforseta sem á völlinn. Vísir/EPA Bresk stjórnvöld hafa sett þrýsting á skipuleggjendur Opna mótsins, elsta golfmóts í heimi og eitt fjögurra risamóta golfsins, að halda það á velli í eigu Bandaríkjaforseta í Skotlandi. Þau eru sögð leita allra leiða til þess að komast í mjúkinn hjá forsetanum. Embættismenn frá menningar-, fjölmiðla- og íþróttamálaráðuneyti Bretlands eru sagðir hafa spurt stjórnendur Konunglega og forna golfklúbbsins (e. R&A), sem skipuleggur Opna mótið árlega, hvort þeir geti haldið mótið á Turnberry-vellinum í Skotlandi árið 2028. Turnberry er í eigu núverandi Bandaríkjaforseta sem er mikill golfáhugamaður. Heimildarmenn The Guardian segja ýmist að breska ríkisstjórnin beiti klúbbinn beinum þrýstingi til þess að fá forsetanum mótið eða grennslist aðeins fyrir um hvaða hindranir væru í vegi þess. „Ríkisstjórnin er að gera allt sem hún getur til þess að nálgast [Bandaríkjaforseta],“ segir einn þeirra við breska blaðið. Eitt af því sem hún hafi gert sé að halda á lofti þeirri hugmynd að Opna mótið snúi aftur á Turnberry-völlinn. Mikið er í húfi þar sem Bandaríkjastjórn háir nú tollastríð við flest ríki heims og blikur eru á lofti um hvort að hún haldi áfram þátttöku í varnarbandalagi við Bretland og Evrópuríki. Bandaríski forsetinn er sagður hafa spurt Keir Starmer, forsætisráðherra Bretlands, ítrekað hvort að völlur hans gæti fengið að halda mótið. Völlurinn hefur verið rekinn með tapi undanfarin ár. Hafa ekki viljað blanda pólitík inn í mótið Opna mótið hefur verið haldið fjórum sinnum á Turnberry. Til stóð að halda það þar árið 2020 en R&A hætti við það eftir að eigandinn var fyrst kjörinn forseti Bandaríkjanna árið 2016. Golfklúbburinn ítrekað síðar að mótið yrði ekki haldið þar í bráð eftir að stuðningsmenn forsetans réðust á bandaríska þinghúsið 6. janúar 2021. Þáverandi forseti klúbbsins sagðist ekki vilja að fjölmiðlafár í kringum forsetann drægi athygli frá mótinu sjálfu síðast í nóvember. Síðan þá hafa orðið stjórnarskipti í klúbbnum. Mark Darbon, nýr forseti, sagði í síðustu viku að hann vildi að Turnberry héldi mótið aftur „einhvern tímann“. Pólitík er þó ekki eina ástæðan fyrir því Turnberry hefur ekki verið talinn fýsilegur kostur til að hýsa Opna mótið. Vinsældir þess hafa vaxið gríðarlega frá því að mótið var haldið síðast á Turnberry árið 2009. Þá komu 123.000 áhorfendur til þess að fylgjast með keppninni. Þeir voru 250.000 talsins á Royal Troon í fyrra. Sumir þeirra sögufrægu valla sem hafa hýst mótið í gegnum tíðina eiga því erfitt með það vegna skorts á innviðum og plássi. Stewart Cink vann síðast þegar Opna mótið var haldið á Turnberry. Hann sigraði goðsögnina Tom Watson sem var þá á sextugasta aldursári og hefði orðið langelsti sigurvegari í sögu mótsins sem nær aftur til 19. aldar. Golf Bandaríkin Bretland Donald Trump Mest lesið „Þú setur ekki svona pressu á átján ára stelpu“ Fótbolti Nördarnir sem sigruðu Ísland: „Það fóru allir að hlæja“ Fótbolti Hittust á Íslandi og keyptu Mbeumo Enski boltinn Lars Lagerbäck: Það verður enginn hálshöggvinn fyrir þetta Fótbolti Víkingur afturkallar Daða Berg: Fær ekki að spila bikarúrslitaleikinn Íslenski boltinn Reyndi allt til að koma kúlunni niður Golf Mætti inn á með brúðkaupsmyndina á legghlífinni og breytti leiknum Fótbolti Ofurhugi endaði lífið í sundlaug eftir að svifvængjaflug hans fór á versta veg Sport Arndís Diljá í úrslit á EM: „Ótrúlega gaman að hafa náð því“ Sport Birnir Snær genginn til liðs við KA Íslenski boltinn Fleiri fréttir Reyndi allt til að koma kúlunni niður Veiðimaðurinn leiðir á Opna breska Tvíburar jafnir eftir fyrsta dag á Opna breska Munkur slær í gegn á Opna breska Fimm jafnir á toppnum eftir fyrsta hring „Það hafa allir runnið í gegnum þessa lokunarpósta án vandræða“ Dani og Kínverji leiða á Opna breska Endurnýja kynnin: „Stórar skoðanir en ekki endilega góðar skoðanir“ Dæmdur ofbeldismaður keppir á Opna breska í ár Grænt ljós á golfmótið þrátt fyrir gos Vilja hefja golfmótið á morgun: „Látum þetta ekki á okkur fá“ Hefur ekki hugmynd hvar Ólympíugullið hans er niðurkomið Meistaramót Golfklúbbs Grindavíkur átti að byrja í dag: „Við hinkrum aðeins“ Sá besti í heimi opnar sig: Þetta er ekki fullnægjandi líf Segist hafa farið 47 sinnum holu í höggi á ferlinum „Nýtti reynsluna úr vindinum heima til að halda þolinmæði“ Ragnhildur fyrst Íslendinga til að vinna LET Access mót Hneig niður tvisvar á risamóti í golfi Golflandsliðið í öðru sæti eftir fyrsta hring Ísland í öðru sæti eftir fyrsta keppnisdag á Evrópumótinu Tryggði sig inn á Opna breska risamótið með mögnuðum erni Gunnlaugur tveimur undir pari en spænski félaginn efstur Landsliðshóparnir valdir fyrir Evrópumótin í golfi Meistarinn bestur og hvítur Monster kveikti í Tómasi Embla Hrönn vann bráðabana og mætir Pamelu Tíu ára kylfingur fór holu í höggi á Íslandsmóti Tómas steinlá gegn þeim þýska PGA fær nýjan stjórnanda frá NFL deildinni Tómas fór illa með Frakkann Tómas í einvígi við Frakka en Logi úr leik í bráðabana Sjá meira
Embættismenn frá menningar-, fjölmiðla- og íþróttamálaráðuneyti Bretlands eru sagðir hafa spurt stjórnendur Konunglega og forna golfklúbbsins (e. R&A), sem skipuleggur Opna mótið árlega, hvort þeir geti haldið mótið á Turnberry-vellinum í Skotlandi árið 2028. Turnberry er í eigu núverandi Bandaríkjaforseta sem er mikill golfáhugamaður. Heimildarmenn The Guardian segja ýmist að breska ríkisstjórnin beiti klúbbinn beinum þrýstingi til þess að fá forsetanum mótið eða grennslist aðeins fyrir um hvaða hindranir væru í vegi þess. „Ríkisstjórnin er að gera allt sem hún getur til þess að nálgast [Bandaríkjaforseta],“ segir einn þeirra við breska blaðið. Eitt af því sem hún hafi gert sé að halda á lofti þeirri hugmynd að Opna mótið snúi aftur á Turnberry-völlinn. Mikið er í húfi þar sem Bandaríkjastjórn háir nú tollastríð við flest ríki heims og blikur eru á lofti um hvort að hún haldi áfram þátttöku í varnarbandalagi við Bretland og Evrópuríki. Bandaríski forsetinn er sagður hafa spurt Keir Starmer, forsætisráðherra Bretlands, ítrekað hvort að völlur hans gæti fengið að halda mótið. Völlurinn hefur verið rekinn með tapi undanfarin ár. Hafa ekki viljað blanda pólitík inn í mótið Opna mótið hefur verið haldið fjórum sinnum á Turnberry. Til stóð að halda það þar árið 2020 en R&A hætti við það eftir að eigandinn var fyrst kjörinn forseti Bandaríkjanna árið 2016. Golfklúbburinn ítrekað síðar að mótið yrði ekki haldið þar í bráð eftir að stuðningsmenn forsetans réðust á bandaríska þinghúsið 6. janúar 2021. Þáverandi forseti klúbbsins sagðist ekki vilja að fjölmiðlafár í kringum forsetann drægi athygli frá mótinu sjálfu síðast í nóvember. Síðan þá hafa orðið stjórnarskipti í klúbbnum. Mark Darbon, nýr forseti, sagði í síðustu viku að hann vildi að Turnberry héldi mótið aftur „einhvern tímann“. Pólitík er þó ekki eina ástæðan fyrir því Turnberry hefur ekki verið talinn fýsilegur kostur til að hýsa Opna mótið. Vinsældir þess hafa vaxið gríðarlega frá því að mótið var haldið síðast á Turnberry árið 2009. Þá komu 123.000 áhorfendur til þess að fylgjast með keppninni. Þeir voru 250.000 talsins á Royal Troon í fyrra. Sumir þeirra sögufrægu valla sem hafa hýst mótið í gegnum tíðina eiga því erfitt með það vegna skorts á innviðum og plássi. Stewart Cink vann síðast þegar Opna mótið var haldið á Turnberry. Hann sigraði goðsögnina Tom Watson sem var þá á sextugasta aldursári og hefði orðið langelsti sigurvegari í sögu mótsins sem nær aftur til 19. aldar.
Golf Bandaríkin Bretland Donald Trump Mest lesið „Þú setur ekki svona pressu á átján ára stelpu“ Fótbolti Nördarnir sem sigruðu Ísland: „Það fóru allir að hlæja“ Fótbolti Hittust á Íslandi og keyptu Mbeumo Enski boltinn Lars Lagerbäck: Það verður enginn hálshöggvinn fyrir þetta Fótbolti Víkingur afturkallar Daða Berg: Fær ekki að spila bikarúrslitaleikinn Íslenski boltinn Reyndi allt til að koma kúlunni niður Golf Mætti inn á með brúðkaupsmyndina á legghlífinni og breytti leiknum Fótbolti Ofurhugi endaði lífið í sundlaug eftir að svifvængjaflug hans fór á versta veg Sport Arndís Diljá í úrslit á EM: „Ótrúlega gaman að hafa náð því“ Sport Birnir Snær genginn til liðs við KA Íslenski boltinn Fleiri fréttir Reyndi allt til að koma kúlunni niður Veiðimaðurinn leiðir á Opna breska Tvíburar jafnir eftir fyrsta dag á Opna breska Munkur slær í gegn á Opna breska Fimm jafnir á toppnum eftir fyrsta hring „Það hafa allir runnið í gegnum þessa lokunarpósta án vandræða“ Dani og Kínverji leiða á Opna breska Endurnýja kynnin: „Stórar skoðanir en ekki endilega góðar skoðanir“ Dæmdur ofbeldismaður keppir á Opna breska í ár Grænt ljós á golfmótið þrátt fyrir gos Vilja hefja golfmótið á morgun: „Látum þetta ekki á okkur fá“ Hefur ekki hugmynd hvar Ólympíugullið hans er niðurkomið Meistaramót Golfklúbbs Grindavíkur átti að byrja í dag: „Við hinkrum aðeins“ Sá besti í heimi opnar sig: Þetta er ekki fullnægjandi líf Segist hafa farið 47 sinnum holu í höggi á ferlinum „Nýtti reynsluna úr vindinum heima til að halda þolinmæði“ Ragnhildur fyrst Íslendinga til að vinna LET Access mót Hneig niður tvisvar á risamóti í golfi Golflandsliðið í öðru sæti eftir fyrsta hring Ísland í öðru sæti eftir fyrsta keppnisdag á Evrópumótinu Tryggði sig inn á Opna breska risamótið með mögnuðum erni Gunnlaugur tveimur undir pari en spænski félaginn efstur Landsliðshóparnir valdir fyrir Evrópumótin í golfi Meistarinn bestur og hvítur Monster kveikti í Tómasi Embla Hrönn vann bráðabana og mætir Pamelu Tíu ára kylfingur fór holu í höggi á Íslandsmóti Tómas steinlá gegn þeim þýska PGA fær nýjan stjórnanda frá NFL deildinni Tómas fór illa með Frakkann Tómas í einvígi við Frakka en Logi úr leik í bráðabana Sjá meira