Enski boltinn

Wat­kins hélt Meistara­deildar­draum Villa á lífi

Runólfur Trausti Þórhallsson skrifar
Sigurmarkinu fagnað.
Sigurmarkinu fagnað. Steven Paston/Getty Images

Aston Villa dreymir enn um sæti í Meistaradeild Evrópu á næstu leiktíð eftir gríðarlega mikilvægan 1-0 útisigur á Bournemouth í síðasta leik dagsins í ensku úrvalsdeild karla í knattspyrnu.

Sigurmarkið skoraði enski framherjinn Olli Watkins eftir undirbúning samlanda síns Morgan Rogers á sjöttu mínútu uppbótartíma fyrri hálfleiks. Mikið hafði gengið á þar á undan en alls fóru þrjú gul spjöld á loft í uppbótartímanum.

Jacob Ramsey fékk sitt annað gula spjald í liði Aston Villa þegar tíu mínútur lifðu leiks en gestunum tókst að halda út og landa mikilvægum þremur stigum.

Aston Villa er í 6. sæti með 63 stig að loknum 36 leikjum. Chelsea og Newcastle United eru einnig með 63 stig en eiga þó leik til góða.

Fótbolti Enski boltinn

Mest lesið


Fleiri fréttir

Sjá meira


×

Mest lesið