Mikið á­fall fyrir ÍBV: Sowe með slitið kross­band og Oli­ver frá næstu vikurnar

Um er að ræða gríðarlegt áfall fyrir nýliðana. Sowe virtist loks hafa fundið taktinn þegar ‚IBV sló KR út úr bikarnum. Hann skoraði þá eitt mark og átti stóran þátt í að Eyjamenn skoruðu fjögur mörk í Laugardalnum.

Heimildir Vísis herma að hann sé með slitið krossband og mun því ekki spila meira á þessari leiktíð.

Oliver var einnig frábær í bikarleiknum gegn KR en fór meiddur af velli snemma leiks þegar ÍBV og KA gerðu markalaust jafntefli á dögunum.

„Oliver Heiðarsson liggur í grasinu og fær aðhlynningu efstir samstuð. Virðist ekki geta haldið leik áfram. Vondar fréttir fyrir Eyjamenn,“ segir í lýsingu Vísis frá leiknum.

Ekki er vitað nákvæmlega hversu lengi Oliver verður frá en talið er að um sé að ræða fimm til sex vikur. ÍBV er í 9. sæti Bestu deildarinnar með 8 stig.

Eyjamenn mæta Val að Hlíðarenda á morgun, laugardag. Leikurinn verður sýndur beint á Stöð 2 Sport. Útsending hefst klukkan 16.50.