Körfubolti

„Þakk­lát fyrir skilning á þessum erfiðu tímum“

Runólfur Trausti Þórhallsson skrifar
Valur Orri Valsson sækir að körfu Stjörnunnar í úrslitakeppni Bónus deildar karla.
Valur Orri Valsson sækir að körfu Stjörnunnar í úrslitakeppni Bónus deildar karla. Vísir/Guðmundur

Valur Orri Valsson mun ekki spila með Grindavík á komandi leiktíð í Bónus deild karla í körfubolta. Frá þessu greindi Körfuknattleiksdeild Grindavíkur á Facebook-síðu sinni.

„Körfuknattleiksdeild Grindavíkur og Valur Orri Valsson hafa komist að sameiginlegri ákvörðun um að rifta samning,“ segir í yfirlýsingunni.

Hinn þrítugi Valur Orri hefur spilað með liðinu undanfarin tvö tímabil en hann er uppalinn hjá Njarðvík. Hann hefur einnig spilað fyrir Keflavík, FSu sem og í bandaríska háskólaboltanum.

„Er deildin honum afar þakklát fyrir skilning á þessum erfiðu tímum. Framundan eru breytingar sem ekki verður komist hjá,“ segir einnig í yfirlýsingu Grindavíkur sem sjá má í heild sinni hér að ofan.

Grindavík komst í undanúrslit Bónus deildar karla á síðustu leiktíð. Þar féllu Grindvíkingar úr leik eftir tap í oddaleik gegn verðandi Íslandsmeisturum Stjörnunnar.




Fleiri fréttir

Sjá meira


×