Hilmar Smári og Ægir endur­semja við Stjörnuna

Tveir af bestu leikmönnum síðasta tímabils halda því kyrru fyrir í Garðabænum. Samningur Hilmars er til eins árs en Ægir samdi til næstu tveggja ára.

Stjarnan varð í fyrsta sinn í sögu félagsins Íslandsmeistari í körfubolta í vor eftir fimm leikja einvígi gegn Tindastóli.

Hilmar Smári var eftirsóttur af liðum bæði hér á landi og einnig erlendis. En hann ákvað að vera áfram í Garðabænum. 

Stjarnan hefur misst Júlíus Orra Ágústsson og Kristján Fannar Ingólfsson fyrir komandi átök í Bónus-deildinni og má gera ráð fyrir einhverri breytingu á leikmannahópnum á næstu vikum.