Bene­dikt í Fjölni

Benedikt stýrði Tindastólsmönnum í Bónus-deild karla á síðasta tímabili en félagið ákvað eftir tímabilið að leita annað og var Arnar Guðjónsson ráðinn í hans stað.

„Ráðning Benedikts er stórt skref í okkar stefnu að hækka prófíl og styrkja stöðu Fjölnis í íslenskum körfuknattleik. Með reynslu og þekkingu mun Benedikt leiða yngri flokkana áfram á vegi framfara og þróunar. Við í stjórninni erum sannfærð um að með ráðningu hans styrkjum við enn frekar þá öru uppbyggingu sem átt hefur sér stað í yngriflokkastarfi félagsins á síðustu árum,“ segir Arnar B. Sigurðsson, formaður Körfuknattleiksdeildar Fjölnis í yfirlýsingunni.

„Ég er mjög spenntur fyrir nýju verkefni hjá Fjölni. Þessi hópur er áhugaverður og metnaðarfullur, og ég hlakka til að vinna með stjórn, iðkendum og öðrum þjálfurum, mörgum þeirra hef ég unnið með áður. Síðan ég var hjá Fjölni tímabilið 2020–2021 hefur alltaf verið planið að koma aftur, því hér leið mér mjög vel. Ég er því hæstánægður að vera kominn aftur og vera partur af frábæru ungliðastarfi,“ segir Benedikt Rúnar Guðmundsson.