Fótbolti

Elísa­bet stýrði Belgum til sigurs í generalprufunni fyrir EM

Óskar Ófeigur Jónsson skrifar
Elísabet Gunnarsdóttir sá sínar stelpur í belgíska landsliðinu vinna góðan sigur á Grikkjum í kvöld.
Elísabet Gunnarsdóttir sá sínar stelpur í belgíska landsliðinu vinna góðan sigur á Grikkjum í kvöld. Getty/Alex Bierens de Haan

Belgíska kvennalandsliðið í fótbolta vann í kvöld 2-0 sigur á Grikklandi í undirbúningsleik fyrir Evrópumótið í Sviss.

Þetta var síðasti leikur Belga fyrir EM en fyrsti leikur liðsins þar er á móti Ítalíu 3. júlí næstkomandi.

Fyrirliðinn Tessa Wullaert skoraði fyrra markið á 24. mínútu eftir stoðsendingu frá Janice Cayman. Þetta var 93. mark Wullaert fyrir belgíska landsliðið.

Jill Janssens bætti við öðru marki eftir aðeins þriggja mínútna leik í seinni hálfleik. Það urðu lokatölur leiksins.

Þetta var þriðji sigur belgíska landsliðsins undir stjórn Elísabetar Gunnarsdóttur en liðið vann England í apríl og Portúgal í júní byrjun. Belgarnir hafa leikið átta leiki síðan að Elísabet tók við.

Það var líka mikilvægt fyrir Belga að fagna sigri eftir 5-0 skell á móti Frökkum í hinum vináttulandsleik liðsins í lokaundirbúningum fyrir EM.

EM 2025 í Sviss

Mest lesið


Fleiri fréttir

Sjá meira


×

Mest lesið