Körfubolti

Penninn á lofti í Kefla­vík

Siggeir Ævarsson skrifar
Þeir Frosti Sigurðsson, Ólafur Björn Gunnlaugsson og Valur Orri Valsson hafa allir skrifað undir hjá Keflavík
Þeir Frosti Sigurðsson, Ólafur Björn Gunnlaugsson og Valur Orri Valsson hafa allir skrifað undir hjá Keflavík Facebook Keflavík karfa

Keflvíkingar eru byrjaðir að safna liði fyrir næsta tímabil í Bónus deild karla en þrír íslenskir leikmenn skrifuðu í gær undir samninga við liðið. Þeir semja allir til tveggja ára.

Þetta eru þeir Frosti Sigurðsson, Ólafur Björn Gunnlaugsson og Valur Orri Valsson. Frosti er að endurnýja sinn samning við Keflavík en þeir Ólafur og Valur koma til Keflavíkur frá Grindavík og Þór Þorlákshöfn.

Valur Orri hefur síðustu tvö tímabil leikið með Grindavík en hann lék áður um árabil með Keflavík, frá 2012 til til 2023, ef frá eru talin árin 2016-2020 meðan hann lék með Florida Tech í bandaríska háskólaboltanum.

Ólafur Björn Gunnlaugsson er 23 ára framherji sem lék á síðasta tímabili með Þór frá Þorlákshöfn en hann hefur einnig leikið með ÍR í efstu deild. Hann semur einnig til tveggja ára við Keflvíkinga.

Bónus-deild karla Keflavík ÍF Körfubolti

Mest lesið


Fleiri fréttir

Sjá meira


×

Mest lesið