Innlent

Sektaður fyrir að vera á 101 kíló­metra hraða í 101

Lovísa Arnardóttir skrifar
Þrír voru stöðvaðir vegna mikils hraðaksturs í hverfi 101 í dag.
Þrír voru stöðvaðir vegna mikils hraðaksturs í hverfi 101 í dag. Vísir/Vilhelm

Einn ökumaður var sektaður fyrir of hraðan akstur í miðbænum í dag þar sem hann ók á 101 kílómetra hraða þar sem hámarkshraði er 60 kílómetrar á klukkustund. Tveir aðrir voru sviptir ökuréttindum fyrir að aka of hratt í miðborginni. Báðir óku þeir á 88 kílómetra hraða þar sem hámarkshraði er 40 kílómetrar á klukkustund.

Þetta kemur fram í dagbók Lögreglunnar á höfuðborgarsvæðinu í dag. Þar kemur jafnframt fram að þrír séu vistaðir í fangageymslu síðdegis og að alls hafi 48 mál verið skráð í kerfið frá því klukkan fimm í morgun til 17 síðdegis.

Í dagbókinni er einnig fjallað um að lögreglu hafi verið tilkynnt um einstaklinga víða á höfuðborgarsvæðinu sem voru ofurölvi eða sofandi utandyra. Þá var á stöð 3, í Kópavogi og Breiðholti, tilkynnt um einstakling sem var í annarlegu ástand og gekk berserksgang í verslun. Í dagbók segir að þegar lögregla kom á vettvang hafi hann verið farinn. Stuttu síðar var tilkynnt að hann væri kominn aftur. Hann var handtekinn og vistaður í fangaklefa.

Reykjavík Lögreglumál

Mest lesið


Fleiri fréttir

Sjá meira


×

Mest lesið