Biður Höllu af­sökunar á fréttum af meintum líf­vörðum

Eiríkur, sem var áður ritstjóri tímaritsins Séðs og heyrts, greindi frá því á vef sínum á laugardag að Halla Tómasdóttir hefði farið í sund í Álftalnesalug og haft í för með sér tvo lífverði. „Þetta er nýjung,“ var haft eftir einum sundalugargesti í fréttinni. Mannlíf greindi einnig frá meintu lífvörðum og vísaði í miðil Eiríks.

Nú hefur fréttin um meinta lífverði Höllu verið fjarlægð af vef Mannlífs og í hennar stað er grein sem ber yfirskriftina „Fyrirgefðu forseti — Leiðrétting“.

Þar er haft upp úr skeyti frá Sif Gunnarsdóttur forsetaritara: „Á vefsíðunni eirikurjonsson.is er frétt um að forseti Íslands hafi farið í Álftaneslaug með lífverði með sér. Þetta er vitleysa. Vinsamlegast fjarlægið fréttina af vefnum.“ 

Og Eiríkur hefur hlýtt og tekið greinina niður.

Vísir hefur leitað vibragða bæði frá forsetaembættinu og Eiríki Jónssyni en ekki enn fengið svör.