Með fyrsta þrjá­tíu tuttugu leikinn í sögu WNBA

Frammistaða Wilson fer í sögubækurnar en hún er fyrsti leikmaðurinn í 29 ára sögu WNBA sem skorar að minnsta kosti þrjátíu stig og tekur að minnsta kosti tuttugu fráköst í sama leiknum.

„Þetta var bara A'ja að vera A'ja,“ sagði Becky Hammon, þjálfari Aces, eftir leikinn í gær. Wilson hitti úr þrettán af 25 skotum sínum utan af velli og öll sex vítaskot hennar rötuðu rétta leið. Hún gaf svo fimm stoðsendingar í leiknum.

Wilson hefur skorað 22,2 stig og tekið 9,6 fráköst að meðaltali í leik í WNBA í vetur. Aces er í 6. sæti deildarinnar með átján sigra og fjórtán töp.

Wilson, sem er 29 ára, var valin verðmætasti leikmaður WNBA á síðasta tímabili. Hún hefur þrívegis hlotið þá nafnbót.