Neytendur

Súpan með pappírnum innkölluð

Kolbeinn Tumi Daðason skrifar
Hér sést pappír sem Margrét dró upp úr í ausunni og á kassanum. Hún fann meiri pappír en þetta síðar.
Hér sést pappír sem Margrét dró upp úr í ausunni og á kassanum. Hún fann meiri pappír en þetta síðar. Aðsend

Icelandic Food Company ehf. hefur að höfðu samráði við Heilbrigðiseftirlit Reykjavíkur stöðvað sölu og innkallað frá neytendum mexíkóska kjúklingasúpu sem Krónan selur undir sínu vörumerki. Neytandi vakti athygli á því í gær að klósettpappír hefði fundist í pakka með súpunni.

Í tilkynningu frá Icelandic Food Company ehf. segir að ástæða innköllunar sé sú að aðskotahlutur, pappír, hafi fundist í einni sölueiningu. Það geri matvælin óhæf til neyslu.

Margréti Sigríði Jóhannsdóttur lýsti því í viðtali við Vísi í gær að hafa verið verulega brugðið á sunnudag þegar hún eldaði mexíkóska kjúklingasúpu og fann í henni eitthvað sem virtist vera eldhús- eða klósettpappír.

„Ég er bara að hræra og ætla að setja tening í hana og er með systur mína í símanum. Ég er að draga upp sleifina og sé þá eitthvað sem virðist engan enda taka og hugsaði bara: Hvað er þetta?“

Að neðan má sjá upplýsingar um vöruna sem innköllunin einskorðast við. Neytendur sem keypt hafa umrædda vöru eru beðnir um að neyta hennar ekki og farga en einnig geta þeir skilað henni í versluninni þar sem hún var keypt gegn fullri endurgreiðslu.

Upplýsingar um vöru sem innköllunin einskorðast við:

Vörumerki: Krónan

Vöruheiti: Mexíkósk kjúklingasúpa

Geymsluþol: Best fyrir 17.09.2025

Nettómagn: 1 l

Framleiðandi: Icelandic Food Company ehf., Vatnagörðum 6, 104 Reykjavík

Framleiðsluland: Ísland

Heiti og heimilisfang fyrirtækis sem innkallar vöru

Icelandic Food Company ehf., Vatnagörðum 6, 104 Reykjavík.

Dreifing

Verslanir Krónunnar um land allt.

Leiðbeiningar til neytenda

Neytendur sem keypt hafa umrædda vöru eru beðnir um að neyta hennar ekki og farga en einnig geta þeir skilað henni í versluninni þar sem hún var keypt gegn fullri endurgreiðslu.

Nánari upplýsingar um innköllun

Senda má tölvupóst á netfangið icelandfood[hja]icelandfood.is.

Innköllun Matvælaframleiðsla Matvöruverslun

Tengdar fréttir

Kúgaðist og missti matar­lystina við að finna pappír í súpunni

Margréti Sigríði Jóhannsdóttur var verulega brugðið í gær þegar hún eldaði mexíkóska kjúklingasúpu frá Krónunni og fann í henni eitthvað sem virtist vera eldhús- eða klósettpappír. Framkvæmdastjóri Krónunnar segir málið miður og að lotunúmer súpunnar hafi verið innkallað. Um sé að ræða mannleg mistök við pökkun.



Mest lesið


Fleiri fréttir

Sjá meira


×

Mest lesið