Reykjavíkurmaraþonið í beinni á Vísi

Magnús Jochum Pálsson skrifar 23. ágúst 2025 08:06

Enihverjir munu hlaupa mjög hratt í dag, aðrir aðeins hægar. Vísir/Vilhelm

Reykjavíkurmaraþon Íslandsbanka fer fram í fertugasta sinn í dag og verður sýnt í beinni útsendingu á Vísi. Aldrei hafa fleiri hlauparar verið skráðir til leiks né jafn mikill peningur safnast til góðgerðarmála.

Lýsendur hlaupsins á Vísi verða Ingvar Örn Ákason og Birna „MC Bibba“ Másdóttir. Ræst verður í bæði maraþoni og hálfmaraþon klukkan 8:30 en hægt er að fylgjast með í beinni í spilaranum hér að neðan:

Fleiri en sautján þúsund hafa skráð sig í hlaupið, sem er skráningarmet, en fyrra met var 15.552 árið 2014. Þá hefur söfnunarmet einnig verið slegið en þegar þetta er skrifað hafa safnast 293 milljónir sem er töluverð á bæting á metinu frá því í fyrra sem var um 250 milljónir.

Hér fyrir neðan má sjá dagskrá hlaupsins:

8:30 - Keppnisflokkur í maraþoni og hálfmaraþoni
8:40 - Almennur flokkur í maraþoni og hálfmaraþoni - Skemmtiganga í 10 km
9:30 - Keppnisflokkur í 10 km
9:40 - Almennur flokkur í 10 km
12:00 - Skemmtiskokk

Von er á mörgum öflugum hlaupurum. Þar á meðal keppir Andrea Kolbeinsdóttir í hálfmaraþoni kvenna en hún hefur tvisvar unnið hálfmaraþonið og á annan hraðasta tímann í sögu þess og Arnar Pétursson, sem hefur margoft unnið maraþonið, keppir í hálfmaraþoni í ár.

Reykjavíkurmaraþon Hlaup Reykjavík

Tengdar fréttir

Sjö ára hlaupari kemur hópnum yfir línuna í sjötta maraþoninu á morgun

Hlaupahópurinn HHHC kom til Reykjavíkur í dag eftir að hafa hlaupið fimm maraþon á fimm dögum í jakkafötum. Þeir loka hringnum í Reykjavíkurmaraþoninu á morgun og þar bætist einn sjö ára í hópinn sem ætlar að hlaupa þrjá kílómetra í jakkafötum.

22. ágúst 2025 20:52

Rigning og rok í methlaupi

Veðurspáin fyrir morgundaginn aftrar ekki metþátttöku í Reykjavíkurmaraþoni Íslandsbanka. Nú hafa yfir sextán þúsund skráð sig til þátttöku sem slær fyrra met frá árinu 2014 sem stóð í 15.552. Siggi stormur segir að það gæti orðið allhvasst og rigning þegar flugeldasýningin fer fram um kvöldið.

22. ágúst 2025 13:15

Hvað er mikilvægast að hafa í huga fyrir Reykjavíkurmaraþonið?

Rúmlega fimmtán þúsund manns munu reima á sig hlaupaskóna og taka þátt í Reykjavíkurmaraþoninu á morgun. Vísir ræddi við Íslandsmethafann í maraþoni um það helsta sem hlauparar þurfa að hafa í huga á morgun.

22. ágúst 2025 12:31

Mest lesið

Fleiri fréttir