Stelpunum okkar fjölgar fyrir leik dagsins

Ágúst Orri Arnarson skrifar 30. nóvember 2025 11:50

Andrea Jacobsen sleit liðband í ökkla skömmu fyrir mót. vísir / hulda margrét

Íslenska landsliðinu hefur borist mikill liðsstyrkur fyrir síðasta leik riðlakeppninnar á HM í handbolta.

Andrea Jacobsen hefur verið skráð til leiks á HM og verður leikfær gegn Úrúgvæ á eftir.

Arnar Pétursson landsliðsþjálfari er því með fullskipaðan 18 kvenna hóp eftir að hafa aðeins haft úr 17 leikmönnum að velja í fyrstu tveimur leikjunum gegn Þýskalandi og Serbíu.

Átján manna HM hópur:

Markmenn

Hafdís Renötudóttir, Valur (71/5)
Sara Sif Helgadóttir, Haukar (15/0)

Hornamenn

Dana Björg Guðmundsdóttir, Volda (13/27)
Katrín Anna Ásmundsdóttir, Fram (14/26)
Þórey Anna Ásgeirsdóttir, Valur (48/70)
Rakel Oddný Guðmundsdóttir, Haukar (4/2)

Línumenn

Elísa Elíasdóttir, Valur (24/19)
Katrín Tinna Jensdóttir, ÍR (28/20)
Alexandra Líf Arnarsdóttir, Haukar (3/2)

Leikstjórnendur

Elín Klara Þorkelsdóttir, Savehof (27/94)
Elín Rósa Magnúsdóttir, Blomberg-Lippe (32/60)
Sandra Erlingsdóttir, ÍBV (39/161)

Skyttur
Alfa Brá Oddsdóttir Hagalín, Fram (10/8)
Andrea Jacobsen, Blomberg-Lippe (66/116)
Díana Dögg Magnúsdóttir, Blomberg-Lippe (66/89)
Matthildur Lilja Jónsdóttir, ÍR (2/0)
Lovísa Thompson, Valur (31/66)
Thea Imani Sturludóttir, Valur (92/203)

(Leikja- og markafjöldi eins og hann var fyrir HM)

Fastlega má gera ráð fyrir því að Andrea verði ein þeim 16 sem taka þátt í leiknum gegn Úrúgvæ á eftir en leikmannahópurinn hefur ekki enn verið staðfestur.

Stefnan hjá stelpunum okkar er sett á fyrsta sigur mótsins og áframhald í milliriðilinn í Dortmund.

Leikur Íslands og Úrúgvæ hefst klukkan 14:30 og verður í beinni textalýsingu á Vísi.

Landslið kvenna í handbolta HM kvenna í handbolta 2025