Sandra markahæst í ís­lenska liðinu í riðlakeppninni

Sandra skoraði fjórtán mörk í leikjunum þremur eða 4,6 að meðaltali í leik. Hún þurfti aðeins nítján skot til að skora þessi mörk og var því með 74 prósent skotnýtingu.

Öll nema þrjú mörk Söndru komu þó úr vítum en hún nýtti ellefu af þrettán vítaskotum sínum.

Sandra kom líka að flestum mörkum því hún átti sex stoðsendingar auka markanna og var eini leikmaður liðsins sem kom að tuttugu mörkum.

Elín Klara Þorkelsdóttir er næstmarkahæst með tólf mörk en var líka sú sem skoraði flest mörk utan af velli því hún tók ekkert víti.

Þriðja markahæst í íslenska liðinu var Thea Imani Sturludóttir með tíu mörk en hún hefur nýtt sextíu prósent af langskotum sínum í mótinu eða níu af fimmtán.

Elín Rósa Magnúsdóttir gaf flestar stoðsendingar eða einni fleiri en Sandra. Elín Rósa kom alls að þrettán mörkum í riðlakeppninni.

Elín Klara Þorkelsdóttir kom að fimmtán mörkum og Thea Imani Sturludóttir kom að fjórtán mörkum.