Kom færandi hendi eftir að hafa skotið ljós­myndarann niður

Ekki vildi betur til en að Olek hitti ekki aðeins ekki markið heldur skaut hún niður ljósmyndara sem var að mynda á bak við það.

Skot Olek hafnaði beint framan á linsu hans og myndavélin slóst í andlit hans. Hann fékk augljóslega mikið högg.

Hér fyrir neðan má sjá skotið.

Þetta var eina skot hennar í þessum leik sem pólska landsliðið vann 28-25.

Olek kom færandi hendi til ljósmyndarans daginn eftir og færði honum pólska landsliðstreyju að gjöf. Honum virtist sem betur fer ekki hafa orðið mikið meint af högginu og var sáttur að fá treyjuna.