Ómar Ingi fær meiri á­byrgð og tekur við kyndlinum af Aroni

Ómar Ingi hefur verið fyrirliði íslenska liðsins í nokkrum leikjum síðan að Aron Pálmarsson setti handboltaskóna upp á hillu en þetta verður fyrsta stórmót hans sem fyrirliði íslenska landsliðsins.

Aron Pálmarsson tók við fyrirliðabandinu af Guðjóni Val Sigurðssyni á sínum tíma en á síðustu árum hafa Arnór Þór Gunnarsson, Björgvin Páll Gústavsson og Ýmir Örn Gíslason verið fyrirliðar í forföllum Arons. 

Ómar Ingi fær því enn meiri ábyrgð á þessu móti og hann gæti líka spilað nýja leikstöðu. Snorri Steinn ræddi þann möguleika á blaðamannafundinum í dag að nota Ómar einnig sem leikstjórnanda.

Á undan Guðjóni Val var Ólafur Stefánsson fyrirliði liðsins en hann tók við bandinu á sínum tíma af Degi Sigurðssyni.