Fyrsta stiklan úr Íslandsstórvirki Nolan mætt á netið

Oddur Ævar Gunnarsson skrifar 22. desember 2025 15:29

Matt Damon í hlutverki sínu sem Ódysseifur.

Fyrsta myndefnið úr Ódysseifskviðu, næsta stórvirki leikstjórans Christopher Nolan er mætt á netið í fyrstu stiklu myndarinnar. Myndin var að hluta tekin upp hér á landi síðasta sumar þegar fréttir bárust ótt og títt af stórstjörnum í miðbæ Reykjavíkur. Horfa má á stikluna neðst í fréttinni.

Tökur fóru fram á Suðurlandi en um er að ræða þriðja skiptið sem leikstjórinn tekur upp kvikmynd sína hérlendis, áður tók hann upp Batman Begins og Interstellar hér. Matt Damon fer með hlutverk Ódysseifs sem í kviðunni var konungur á eynni Íþöku. Fjallar kviðan um heimför hans eftir Trójustríðið sem tók tíu ár og var mikið ævintýri.

Um er að ræða stjörnum prýdda mynd sem skartar meðal annars Matt Damon, Tom Holland, Zendaya, Anne Hathaway og Lupita Nyong'o í helstu hlutverkum. Síðasta sumar sást til Zendaya í miðbænum auk leikarans Eliott Page sem frumsýndi nýja kærustu með mynd á Instagram sem tekin var á Skólavörðustíg.

Bíó og sjónvarp Hollywood Kvikmyndagerð á Íslandi

Tengdar fréttir

Elliot Page frumsýndi nýju kærustuna á Skólavörðustígnum

Kanadíski leikarinn Elliot Page frumsýndi nýja kærustu sína, leikkonuna Juliu Shiplett, með því að birta mynd á samfélagsmiðlum af þeim saman á regnbogagötunni Skólavörðustíg.

29. júní 2025 15:00