Njarð­vík kveður Kanann og leitar að nýjum

Þetta kemur fram í tilkynningu Njarðvíkur þar sem segir að stjórnin hafi ákveðið „að fara aðrar leiðir“ og því sagt samningi leikmannsins upp.

Averette spilaði 13 leiki fyrir Njarðvík og skoraði 17.8 stig, greip 4.1 fráköst og gaf 5.1 stoðsendingu að meðaltali í leik. 

Njarðvík situr í 10. sæti Bónus deildarinnar og liðið hefur verið í miklum vandræðum á þessu tímabili, með aðeins 4 sigra í 13 leikjum.

Nýlega fékk félagið króatíska bakvörðinn Sven Smajlagic til félagsins og von er á nýjum Bandaríkjamanni á næstunni.