Hundaeigendur hvattir til að vera á varð­bergi

Í tilkynningu á vef Matvælastofnunar þess efnis segir að brúni hundamítillinn hafi ekki oft greinst hér á landi og sé ekki landlægur á Íslandi. Í hvert sinn hafi tekist að uppræta hann. Matvælastofnun vinni markvisst að því að koma í veg fyrir að þessi sníkjudýrategund nái fótfestu hér á landi.

Matvælastofnun hvetur alla hundaeigendur til að:

• Skoða húð og feld hunda sinna reglulega
• Vera vakandi fyrir kláða, roða eða sárum í húð
• Hafa tafarlaust samband við dýralækni ef grunur vaknar um mítla

Þá segir að til þess að draga úr hættu sé mikilvægt að gera eftirfarandi:

• Þvo allan fatnað sem hefur verið í snertingu við dýr
• Hreinsa og þvo skó vel
• Fjarlægja óhreinindi úr farangri
• Sótthreinsa heimilið eftir þörfum