Körfubolti

Martin stoðsendingahæstur í Evrópusigri

Óskar Ófeigur Jónsson skrifar
Martin Hermannsson var mikilvægur fyrir Alba Berlin  í kvöld.
Martin Hermannsson var mikilvægur fyrir Alba Berlin  í kvöld. Getty/Soeren Stache

Martin Hermannsson og félagar í þýska liðinu Alba Berlin byrjuðu vel í milliriðli Meistaradeildarinnar í körfubolta.

Þýska liðið sótti þá sigur til Tyrklands og unnu þar heimamenn í Tofas með fjórum stigum, 94-90.

Martin átti flottan leik, skoraði tólf stig, tók fimm fráköst og gaf átta stoðsendingar. Martin var stoðsendingahæstur hjá sínu liði í leiknum.

Martin hitti úr 2 af 5 þriggja stiga skotum sínum í leiknum og liðið vann með tíu stigum þegar hann var inni á vellinum.

Hin tvö liðin í riðlinum eru grísku félögin AEK og Karditsa Iaponiki en tvö efstu liðin komast áfram í átta liða úrslit keppninnar.

Þýski körfuboltinn

Mest lesið


Fleiri fréttir

Sjá meira


×

Mest lesið