Slys á Miklu­braut: Bíll hafnaði á vegriði

Lítið er vitað um slysið. Útkallið barst á tólfta tímanum í kvöld og um miðnætti voru viðbraðgsaðilar enn á vettvangi.

Steinþór Darri Þorsteinsson, varðstjóri slökkviliðsins á höfuðborgarsvæðinu, sagði í samtali við Vísi fyrir miðnætti að um alvarlegt slys væri að ræða en að öðru leyti kvaðst hann ekki vita meira um slysið.

Vettvangur slyssins á Miklubraut er fyrir neðan Rauðagerði og skammt vestur af umferðarslaufunni sem tengir Kringlumýrarbraut og Sæbraut. 

Fjöldi bíla í slysinnu liggur enn ekki fyrir en einn bíll virðist hafa hafnað ofan á vegriði, að sögn sjónarvotts og af myndum að dæma. 

Sjónarvotturinn taldi fleiri en tíu slökkviliðs-, lögreglu- og sjúkrafluttningabíla á vettvangi en Steinþór varðstjóri segir að tveir dælubílar hafi verið kallaðir út og fjöldi sjúkraflutningabíla úr nágrenninu.

Fréttin hefur verið uppfærð.