Alaska og Birnir sigursæl

Magnús Jochum Pálsson skrifar 6. febrúar 2026 17:04

Marteinn Bangerboy og Birnir tóku á móti verðlaunum fyrir Dyrnar sem bestu plötu ársins. Art Bicnick

Tónlistarverðlaun Reykjavík Grapevine voru haldin á skemmtistaðnum Lemmy í gærkvöldi og var hiphop-senan sigursæl. Alaska1867 var valin listamaður ársin, Dyrnar eftir Birni var valin plata ársins og „eh plan“ með Digital Ísland valið lag ársins.

Tónlistarverðlaun The Reykjavík Grapevine eru veitt tónlistarfólki sem þykir hafa skarað fram úr á árinu. Verðlaunin hafa verið haldin árlega frá árinu 2013 og því veitt í fjórtánda sinn í gær. Tilnefnd voru 36 atriði í níu flokkum af dómnefnd sem ritstjórn tímaritsins setti saman.

María Rut Reynisdóttir, framkvæmdarstjóri Tónlistarmiðstöðvar og Heiða Björg Hilmisdóttir, borgarstjóri Reykjavíkur, veittu verðlaunin.

Góður hópur ánægður með verðlaunin sem Knackered hlaut.Art Bicnick

Young Nazareth á leið upp á svið að taka á móti verðlaunum fyrir Digital Ísland.Art Bicnick

Í dómnefnd í ár sátu Alexander Le Sage de Fontenay, grafískur hönnuður og tónlistarpenni, Ish Sveinsson Houle og Jóhannes Bjarkason, blaðamenn Reykjavík Grapevine, Kristján Guðjónsson, dagskrárgerðarmaður á Rás 1 og Maria-Carmela Raso, tónlistarkona og viðburðarstjóri.

Alaska1867 var valin listamaður ársins, Dyrnar með Birni var valin plata ársins, „eh plan“ með Digital Ísland valið lag ársins, Flesh Machine vann fyrir bestu myndrænu framsetningu, quean : kven : queen voru valdir tónleikar ársins, platan Halidome eftir Emmu var valin best geymda leyndarmálið og svo hlaut útvarpsþátturinn Ólátagarður sérstök þakklætisverðlaun.

Pródúsentarnir Young Nazareth og Mister Sir ánægðir með að vera verðlaunaðir fyrir lag ársins.Art Bicnick

Fleshmachine fengu verðlaun fyrir tónlistarmyndbandið við „Taking My Time“.Art Bicnick

Hér að neðan má sjá alla sem voru tilnefndir og sigurvegara í hverjum flokki:

Listamaður ársins

Alaska1867
Knackered
múm
Páll Óskar og Benni Hemm Hemm

Plata ársins

Dyrnar - Birnir
History of Silence - múm
a place to be - RAKEL
Reykjavík Syndrome - Spacestation

Lag ársins

„SMS“ - Alaska 1867
„Eitt af blómunum“ - Páll Óskar og Benni Hemm Hemm
“eh plan” - Digital Ísland
„HJÁ ÞÉR“ - Kusk & Óviti

Besta myndræna framsetning ársins

Listamennirnir Birnir, Doddi digital og Ragnhildur Stefánsdóttir fyrir plötuumslag Dyranna
Flesh Machine fyrir tónlistarmyndbandið „Taking My Time í leikstjórn Snæfríðar Sólar Gunnarsdóttur
Ólafur Arnalds & Loreen fyrir „SAGES“ í leikstjórn Þóru Hilmarsdóttur
Kári Egils fyrir „Midnight Sky“ í leikstjórn Diddu Flygenring